55 yoshli pop yulduz va aktrisa Jennifer Lopes American Music Awards mukofotini topshirish marosimini olib borishga taklif qilindi. Shundan keyin Lopes tadbirga tayyorgarlik ishlarini boshladi, ammo jarayonlardan birida kutilmagan hodisa ro‘y berdi.
Jennifer yuzidan jiddiy jarohat oldi — uning burun sohasi jiddiy shikastlandi. Bu haqda aktrisa ijtimoiy tarmoqda so‘zlab berdi va burun ustiga muz bosib turgan suratini e’lon qildi. “Xullas, shunaqa gaplar”, deya izoh qoldirdi u:
“To‘y tashkilotchisi” komediyasi yulduzi yana bir suratni ham ulashdi. Unda Jennifer yuzini yaqindan, hech qanday makiyajsiz va filtrlarsiz ko‘rsatdi. Aktrisaning burni shishib ketgan, bir qismida esa chuqur jarohat ko‘rinib turgan edi. Ko‘z osti ham qizarib, shishgan edi.
Jey Lo bu hodisa taxminan bir hafta oldin sodir bo‘lganini tushuntirdi. Uning marosimda boshlovchi sifatida ishtirok etishi masalasi ochiq qolgan edi, ammo plastik jarroh Jeyson Daymond unga professional yordam berdi. Lopes tashqi ko‘rinishini o‘zgartirmasdan saqlab qolgani uchun mutaxassisga minnatdorlik bildirdi.
“Menga bergan yordamingiz uchun tashakkur, doktor Daymond. Bir hafta muhlat va uzoq vaqt muz qo‘yib turilgach, o‘zimni yana avvalgidek his qilyapman”, dedi Jennifer.
Jennifer Ben Afflek bilan ajrashgach, hayotini yangi sahifadan boshlagan. Hozirda u butun e’tiborini karyerasi va Mark Entoni bilan bo‘lgan nikohidan tug‘ilgan o‘g‘li va qizini tarbiyalashga qaratgan.
Izoh (0)