Самарқанд вилоятининг Ургут туманидаги тўй маросимида кўчалар бўйлаб автомашиналар гуруҳ-гуруҳ бўлиб ҳаракатланди. Бу ҳақда вилоят ИИБ ЖХХ ЙҲХБ хабар берди.
Маълум қилинишича, ҳайдовчилар йўл безорилигини содир этиб, транспорт воситасига турли кўринишдаги мосламалар ўрнатиб олган. Ушбу ҳайдовчиларга нисбатан қонуний тартибда чоралар кўрилган.
Транспорт воситалари эса вақтинча сақлаш жарима майдончасига жойлаштирилган.
Машиналардаги “томошалар”
Бундан олдин Қорақалпоғистондаги тўйда танасини машинадан чиқариб тасвирга олган операторлар ва ҳайдовчи жаримага тортилган эди. Шунингдек, Андижонда 20 ёшли қиз машинадан танасини чиқариб ҳаракатланган.
Самарқандда ҳаракатланаётган Gentraъдан танасини чиқариб, сохта доллар сочган йигитларга чора кўрилгани тўғрисида хабар берилганди. Шу билан бирга, Фарғонада тўйда томоша кўрсатган ҳайдовчилар жазоланганди.
Изоҳ (0)