Ispaniyaning bir necha hududlari eng yirik telekommunikatsiya kompaniyasi Telefónica tarmog‘idagi texnik nosozlik tufayli statsionar aloqa va internetsiz qoldi. Bu haqda Antena 3 telekanali xabar bermoqda.
Ma’lum qilinishicha, muammo Basklar o‘lkasi, Valensiya, Aragon va Estremadura hududlariga ta’sir ko‘rsatgan. Favqulodda vaziyatga tarmoqni yangilash ishlari davomida yuz bergan nosozlik sabab bo‘lgan.
“Dastlabki daqiqadan boshlab hodisalarni boshqarish qo‘mitasi ishga tushirildi, zararlangan tugunlar ajratib olindi va tezkor choralar ko‘rish uchun mutaxassislar joylarga yuborildi”, deya Telefónica kompaniyasining operatsiyalar va axborot texnologiyalari bo‘yicha direktori Serxio Sanches.
28-aprel kuni butun Ispaniya hududida keng ko‘lamli elektr uzilishi sodir bo‘lgan edi. Muammo Portugaliya, Fransiya va Andorraga ham ta’sir ko‘rsatgan. Elektr uzilishi barcha temiryo‘l qatnovlarining to‘xtab qolishiga sabab bo‘ldi va jamoat transporti faoliyatiga salbiy ta’sir ko‘rsatdi. Supermarketlarda navbatlar paydo bo‘ldi, ba’zi odamlarni tiqilib qolgan liftlardan qutqarishga to‘g‘ri keldi. Mamlakatdagi barcha atom elektr stansiyalari xavfsiz tarzda to‘xtatildi. Elektr uzilishi sababi tekshirilmoqda.
Izoh (0)