O‘zbekiston OTJ bilan birgalikda Parij Olimpiadasida ishtirok etgan Abbosbek Fayzullayev “SSKA” mashg‘ulotlariga borib qo‘shildi. Futbolchi rus jurnalistlari bilan Olimpiada taassurotlarini o‘rtoqlashdi. Futbolchi Parijdagi sharoitlar ma’qul kelmaganini aytdi.
“Olimpiya o‘yinlari biz uchun yaxshi tajriba bo‘ldi. Sharoitlar? Menga unchalik ma’qul kelmadi”.
O‘zbekiston Olimpiya jamoasi Ispaniya (2:1) va Misr (1:0) terma jamoalariga mag‘lub bo‘ldi hamda Dominikan Respublikasi bilan (1:1) durang o‘ynadi. Jamoa C guruhida 4-o‘rinni egalladi.
Rossiya Premyer Ligasining 2023/2024-yilgi mavsumida 20 yoshli Abbosbek Fayzullayev 22 ta o‘yin o‘tkazib, 4 ta gol urdi va 7 ta golli uzatmani amalga oshirdi. Shuningdek, u Rossiya kubogida 10 o‘yinda ishtirok etib bitta gol va ikkita golli uzatmaga ega.
Yosh futbolchining “SSKA” bilan amaldagi shartnomasi 2026-yilning yoziga qadar tuzilgan va uni yana 12 oyga uzaytirish imkoniyati mavjud. Nufuzli Transfermarkt internet portali o‘zbekistonlik yarim himoyachining bozor qiymatini 6 million yevroga baholamoqda.
Izoh (0)