Erkin agent hisoblangan ispaniyalik himoyachi Serxio Ramos faoliyatini Turinning “Yuventus” klubida davom ettirishi mumkin.
Tuttosport ma‘lumotlariga ko‘ra, “Yuventus” jarohat sababli uzoq muddatga safdan chiqqan braziliyalik Gleyson Bremerga o‘rinbosar izlamoqda.
Klub rahbariyati “Real” klubining sobiq sardori hozirgi vaziyatda Tiago Motta jamoasini kuchaytirishga qodir, deb hisoblamoqda.
Ma’lumot uchun, 38 yoshli Ramos 2023-yilning yozida erkin agent sifatida “Sevilya”ga qaytgan edi. O‘tgan mavsumda himoyachi andalusiyaliklar safida barcha turnirlarda 37 ta o‘yin o‘tkazib, 7 ta gol va bitta golli uzatmani amalga oshirgan. Yozgi mavsum oralig‘ida futbolchining jamoa bilan shartnomasi tugadi. Transfermarkt internet portaliga ko‘ra futbolchining taxminiy narxi 2,5 million yevroni tashkil qiladi.
Avvalroq Ispaniya terma jamoasining sobiq futbolchisi Madridning “Real” va “PSJ” klublarida ham to‘p surgan.
Izoh (0)