Испаниянинг бир неча ҳудудлари энг йирик телекоммуникация компанияси Telefónica тармоғидаги техник носозлик туфайли стационар алоқа ва интернетсиз қолди. Бу ҳақда Антена 3 телеканали хабар бермоқда.
Маълум қилинишича, муаммо Басклар ўлкаси, Валенсия, Арагон ва Эстремадура ҳудудларига таъсир кўрсатган. Фавқулодда вазиятга тармоқни янгилаш ишлари давомида юз берган носозлик сабаб бўлган.
“Дастлабки дақиқадан бошлаб ҳодисаларни бошқариш қўмитаси ишга туширилди, зарарланган тугунлар ажратиб олинди ва тезкор чоралар кўриш учун мутахассислар жойларга юборилди”, дея Telefónica компаниясининг операциялар ва ахборот технологиялари бўйича директори Серхио Санчес.
28 апрель куни бутун Испания ҳудудида кенг кўламли электр узилиши содир бўлган эди. Муаммо Португалия, Франция ва Андоррага ҳам таъсир кўрсатган. Электр узилиши барча темирйўл қатновларининг тўхтаб қолишига сабаб бўлди ва жамоат транспорти фаолиятига салбий таъсир кўрсатди. Супермаркетларда навбатлар пайдо бўлди, баъзи одамларни тиқилиб қолган лифтлардан қутқаришга тўғри келди. Мамлакатдаги барча атом электр станциялари хавфсиз тарзда тўхтатилди. Электр узилиши сабаби текширилмоқда.
Изоҳ (0)