Kataloniyaning “Barselona” klubi 21 yoshli “Atletik Bilbao”ning ispaniyalik vingeri Niko Uilyamsni o‘z safiga qo‘shib olish niyatida. Bu haqda Cadena Ser jurnalisti Santi Ovale X ijtimoiy tarmog‘ida (sobiq Twitter) xabar berdi.
Manbaga ko‘ra, Ispaniya terma jamoasi vingeri bilan shartnoma imzolash uchun Kataloniya jamoasi asosiy tarkibning 3 nafar futbolchisini sotishi mumkin. Ular orasida gollandiyalik yarim himoyachi Frenki de Yong, braziliyalik vinger Rafinya va urugvaylik markaziy himoyachi Ronald Arauxo bor.
Avvalroq OAVda “Barselona”dan tashqari Londonning “Chelsi” klubi ham Niko Uilyamsni transfer qilish niyatida ekani haqida xabarlar paydo bo‘lgandi. Shuningdek, uning terma jamoadagi sheriklari futbolchini o‘z klublari safiga tortishga harakat qilayotgani aytilmoqda.
Ma’lumot uchun, joriy mavsumda futbolchi Bilbaoning “Atletik” jamoasi safida barcha musobaqalarda 37 ta o‘yin o‘tkazib, 8 ta gol va 17 ta golli uzatmaga mualliflik qilgan. Futbolchining ispan klubi bilan shartnomasi 2027-yilning iyun oyi oxirigacha amal qiladi. Transfermarkt internet portaliga ko‘ra futbolchining taxminiy narxi 60 million yevroni tashkil qiladi.
Izoh (0)