Тошкент шаҳрида талаба ёшларнинг бўш вақтларини мазмунли ташкил этиш мақсадида Талабалар фестивали бўлиб ўтади. Бу ҳақда Олмазор туман ҳокимлиги матбуот хизмати хабар берди.
Маълум қилинишича, фестивал муносабати билан Олмазор туманининг Форобий кўчаси Университет кўчаси кесишмасидан Талабалар кўчаси кесишмасигача бўлган йўл вақтинчалик ёпилади.
Чеклов 19 май соат 20:00 дан 23 май соат 00:00 гача амал қилади.
Мазкур йўлдан ҳаракатланувчи ҳайдовчиларга айланма йўллардан фойдаланиш тавсия этилган.
Автомашиналар ҳаракати чекланаётган кўчалар
Тошкент шаҳрининг Олмазор туманидаги кўча ярим йилга ёпилиши ҳақида хабар берилганди. Шунингдек, Зиёлилар кўчасининг Дўрмон йўли кўчаси кесишмасидан Қаландар кўчаси кесишмасигача бўлган бир томонлама йўналиш қисми 17 май соат 22:00 дан 19 май соат 08:00 гача транспорт воситалари ҳаракати учун ёпилади.
Бундан ташқари, Кичик ҳалқа автомобиль йўлининг Чингиз Айтматов кўчаси кесишмасидан Оққўрғон кўчаси кесишмасигача бўлган қисми 17 май соат 22:00 дан 21 май соат 06:00 гача барча транспорт воситалари ҳаракати учун ёпилади.
Изоҳ (0)