Toshkent shahrining Shayxontohur tumani, Turkqo‘rg‘on ko‘chasining bir qismi 13-apreldan 25-aprelgacha avtomobillar harakati uchun vaqtincha cheklanadi. Bu haqda poytaxt hokimligi matbuot xizmati xabar berdi.
Bunga KHAY bo‘ylab Turkqo‘rg‘on ko‘chasi kesishmasidan Xurshida ko‘chasi kesishmasigacha bo‘lgan qismida 35 kV li yuqori kuchlanishli yer osti elektr uzatish kabel tarmoqlarini o‘tkazish ishlari amalga oshirilishi sabab bo‘ladi.
Harakat har ikki yo‘nalishda yo‘lning bitta tomoni orqali amalga oshiriladi.
“Haydovchilardan noqulayliklar uchun uzr so‘rab, aylanma yo‘llardan foydalanishlarini tavsiya etamiz”, deyiladi xabarda.
Avtomashinalar harakati cheklanayotgan ko‘chalar
Yunusobod tumanining Asomov ko‘chasi (KHAY)dagi yo‘lning bir yo‘lagi 10-apreldan 6-maygacha, Chilonzor tumani, Lutfiy ko‘chasi chorrahasidan Cho‘pon ota chorrahasigacha bo‘lgan KHAY yo‘nalishida joylashgan yo‘l 10-apreldan 22-aprelgacha yopilishi haqida xabar berilgan edi.
Shuningdek, CAEX ko‘rgazma majmuasidan Yangi O‘zbekiston bog‘i kirishigacha bo‘lgan yo‘l 13-apreldan 1-sentyabrgacha transport vositalari harakati uchun yopiladi.
Mirzo Ulug‘bek tumanidagi O‘zbekiston ovozi ko‘chasi 7/24 ko‘chaga aylanmoqda. Shu munosabat bilan 27-mart kuni soat 7:00 dan 30-aprelgacha O‘zbekiston ovozi ko‘chasining Shastri ko‘chasi bilan kesishmasidan Yahyo G‘ulomov ko‘chasiga qadar qismi vaqtincha avtomashinalar harakati uchun yopilishi aytilgandi.
Toshkent shahrining Olmazor tumanidagi ko‘cha yarim yilga yopilishi haqida xabar berilgandi.
Izoh (0)