Jismoniy tarbiya va sport vazirligi O‘zbekiston Milliy olimpiya qo‘mitasi, Esports Uzbekistan, Full Level Esports hamda UzReport-TV va FUTBOL TV telekanallari bilan hamkorlikda 2020-yil 28—29—30-dekabr kunlari “Yangi yilga sport bilan!” shiori ostidagi yangi mega loyiha – ommaviy sport festivalini taqdim etadi.
Unda 7 yoshdan 70 yoshgacha bo‘lgan aholi vakillari sportning mini-futbol, stritbol, basketbol, velosport, yugurish, darts, arqon tortish, badminton, armrestling, tosh ko‘tarish, stol tennisi hamda Workout (ko‘cha fitnesi) yo‘nalishlari bo‘yicha o‘z imkoniyatlarini sinovdan o‘tkazishlari mumkin.
Shuningdek, festival doirasida yilning eng yirik turnirlari – shaxmat bo‘yicha onlayn O‘zbekiston chempionati hamda Kibersport bo‘yicha Grand finallar tashkil etiladi.
Festival ishtirokchilari tashkilotchilar tomonidan maxsus sovg‘alar bilan taqdirlanadi.
“Yangi yilga sport bilan!” shiori ostidagi ommaviy sport festivallari respublikamizning barcha viloyatlarida o‘tkaziladi. Toshkentdagi Grand final esa “Milliy” stadionda tashkil etiladi.
Yilning eng yirik sport festivalida ishtirok eting va Yangi yilni sport bilan qarshi oling!
“Yangi yilga sport bilan!” shiori ostida o‘tkazilayotgan ommaviy sport festivalida qatnashish uchun quyidagi havola orqali ro‘yxatdan o‘tishingiz mumkin.
Veb-saytFacebookInstagramYoutube
Jismoniy tarbiya va sport vazirligi matbuot xizmati
Reklama huquqi asosida.
Izoh (0)