O‘zbekiston yo‘llarida sodir bo‘lgan hodisalar tafsilotlarini taqdim etamiz.
Andijonda Nexia-2 urib yuborishi oqibatida 67 yoshli Rossiya fuqarosi vafot etdi
Andijon viloyati, Izboskan tumanida yuz bergan yo‘l-transport hodisasi oqibatida 67 yoshli velosipedchi vafot etdi. Bu haqda “Daryo” muxbiri xabar bermoqda.
Izboskan tumani, “Tuyachi” mahallasi hududidan o‘tuvchi 4-K84 Poytug‘–Lug‘umbek–Yangiqishloq avtomobil yo‘lining 1-kilometrida 2022-yilning 27-mart kuni soat 12:30 larda YTH sodir bo‘lgan.Ma’lum bo‘lishicha, Nexia-2 haydovchisi, fuqaro N.A. avtomobilida yo‘lning qatnov qismini belgilanmagan joyidan kesib o‘tayotgan Rossiya fuqarosi H.E.ni (1955-yilda tug‘ilgan) urib yuborgan.
YTH natijasida velosipedchi bosh miya chanoq qismining yopiq sinishi, ko‘krak qafasining eshilishi tan jarohatlari bilan tuman shoshilinch tez tibbiy yordam bo‘limiga yotqizilgan. Biroq ko‘rsatilgan tibbiy muolajalarga qaramasdan shifoxonada vafot etgan.
Hozirda YTH yuzasidan tergovga qadar tekshiruv olib borilmoqda.
Samarqandda Malibu piyodani urib ketdi
2022-yil 28-mart kuni Jomboy tumani, “Qang‘li” mahallasi hududidan o‘tuvchi ichki avtomobil yo‘lida fuqaro N.B. o‘zining boshqaruvida bo‘lgan Malibu avtomashinasi bilan uning harakat yo‘nalishida turgan M.B.ni urib yuborgan.
Holat yuzasidan Jomboy tumani IIB huzuridagi Tergov bo‘linmasi tomonidan Jinoyat kodeksining 105-moddasi 1-qismi (qasddan badanga o‘rtacha og‘ir shikast yetkazish) bilan jinoyat ishi qo‘zg‘atilib, tergov harakatlari olib borilmoqda.
Mavzuga doir:
- Sirdaryoda YPX maskanida to‘xtatilgan Lacetti IIB xodimlaridan qochishga urindi (video)
- O‘zbekiston yo‘llarida: Nexia piyodaga yo‘l berishi oqibatida 3 ta mashina to‘qnashdi, daraxtga borib urilgan Spark yonib ketdi
- Toshkentda 5 ta avtomobil ishtirokida YTH sodir bo‘ldi, Samarqandda Nexia-3 bilan to‘qnashgan Nexia yonib ketdi
Izoh (0)