Toshkent shahrining Yangihayot tumani, “Navqiron” MFY hududida 8-fevral kuni soat 23:10 larda YTH sodir bo‘ldi. Bu haqda Toshkent shahar IIBB YHXB axborot xizmati xabar berdi.
Maʼlum qilinishicha, Lacetti haydovchisi mast holatda rul boshqaruvini yo‘qotib, to‘xtab turgan ikkita Cobalt bilan to‘qnashuv sodir etgan. So‘ng temir ustunga borib urilgan.
Holat yuzasidan voqea joyiga tezkorlik bilan yetib borgan YPX inspektorlari, guvohlar va haydovchi bilan suhbat jarayonida haydovchi o‘z so‘zidan mast holatda ekanligi maʼlum bo‘lgan.
Hodisa oqibatida Lacetti haydovchisiga tez tibbiy yordam xodimlari tomonidan birinchi yordam ko‘rsatilgan.
Shuningdek, Yangihayot tumani, Yangi Sergeli ko‘chasi, Index bozor hududida 8-fevral kuni soat 15:30 larda YTH sodir bo‘ldi.
Unda 2002-yilda tug‘ilgan B.X. boshqaruvidagi Lacetti, 1984-yilda tug‘ilgan S.M. boshqaruvidagi Lacetti, 1998-yilda tug‘ilgan B.Q. boshqaruvidagi BYD, 2001-yilda tug‘ilgan A.E. boshqaruvidagi Spark va 1998-yilda tug‘ilgan I.M. boshqaruvidagi BYD o‘zaro to‘qnashgan.
Lacetti haydovchisi 2002-yilda tug‘ilgan B.X. mast holatda rul boshqaruvini yo‘qotib, YTH sodir etgan.
Hodisa oqibatida Spark haydovchisi 2001-yilda tug‘ilgan A.E. va yo‘lovchisi 2000-yilda tug‘ilgan F.U.ga shifokorlar tomonidan birinchi tez tibbiy yordam ko‘rsatilgan.
Har ikki holat yuzasidan surishtiruv ishlari olib borilmoqda.
Toshkentda sodir bo‘layotgan YTHlar
5-dekabr kuni Toshkent shahrining Mirzo Ulug‘bek va Yunusobod tumanlarida 1,5 soat ichida YTHlar sodir bo‘lgani haqida xabar berilgandi. Shuningdek, 6-dekabr kuni Yunusobod va Yashnobod tumanlarida YTHlar sodir bo‘lgandi.
3-noyabr tunda poytaxtning uchta tumanida YTH sodir bo‘ldi. Sergelida Spark va Matiz to‘qnashdi, Yunusobodda Lacetti yo‘l chetidagi beton ustunga borib urildi, Mirzo Ulug‘bek tumanida Lacetti va BMW to‘qnashdi.
11-noyabr kuni Mirobod tumanidagi “Sanʼat muzeyi” qarshisida Lacetti King Long avtobusi orqasiga borib urildi. 16-noyabrda Yakkasaroy tumani Malibu yo‘l chetidagi temir ustunga urildi va haydovchisi va yo‘lovchisi jarohat oldi.
17-noyabr kuni Yunusobod tumanida Toyota, Malibu-2 va Cobalt avtomashinalari ishtirokida YTH sodir bo‘ldi. 24-noyabr kuni Mirzo Ulug‘bek tumanida Spark va Epica to‘qnashib, yonib ketdi. Hodisa oqibatida halok bo‘lganlar yo‘q.
Mirzo Ulug‘bek tumanida 28-noyabr kuni soat 16:10 larda 5 ta avtomashina ishtirokida YTH sodir bo‘ldi.
Avvalroq O‘zbekistonda avtomobilni takroran mast holda boshqarganlik uchun jinoiy javobgarlik belgilanayotgani haqida xabar berilgandi.
Izoh (0)