O‘zbekistonda so‘nggi kunlarda sodir bo‘lgan yo‘l-transport hodisalarining tafsilotlarini taqdim etamiz.
Sirdaryoda avtobus to‘siqqa urildi
2022-yil 14-mart kuni soat 14:30 larda Sirdaryo viloyati Sirdaryo tumani hududidan o‘tuvchi M-34 avtomobil yo‘lining 92-kilometrida haydovchi J.R. (1990-yilda tug‘ilgan) Golden Dragon avtobusida harakatlanayotib, rul boshqaruvini yo‘qotgan va qarama-qarshi yo‘nalishni ajratib turuvchi to‘siqqa urilgan.
YTH oqibatida tan jarohati olgan fuqarolar yo‘q. Avtobusda haydovchi va bir nafar yo‘lovchi bo‘lgan.
Ushbu YTH yuzasidan Sirdaryo tumani IIB YHXB xodimlari tomonidan surishtiruv harakatlari olib borilmoqda.
Ohangaronda yuk mashinasi tirkamasi ag‘anadi
2022-yil 15-mart kuni soat 13:30 larda Toshkent viloyati Ohangaron tumani “Aqcha” MFY hududidan o‘tuvchi A-373–M-39 Guliston–Bo‘ka–Angren–Qo‘qon–Andijon–O‘sh avtomobil yo‘lida haydovchi B.I. (1990-yilda tug‘ilgan) Trailor CYY 2SX rusumli tirkama ulangan MAN yuk avtomobilida harakatlanib ketayotgan vaqtda, ulangan tirkama qarama-qarshi yo‘nalishni ajratib turuvchi to‘siqqa urilgan va MAN avtomobilidan ajralgan holda qatnov qismiga ag‘darilgan.
Hodisa oqibatida tan jarohati olgan fuqarolar yo‘q.
Mazkur YTH yuzasidan Ohangaron tumani IIB YHXB xodimlari tomonidan surishtiruv harakatlari olib borilmoqda.
Andijonda Nexia-2 piyodani urib ketdi. Jabrlanuvchi shifoxonada vafot etdi
Andijon viloyatining Oltinko‘l tumanida sodir etilgan yo‘l-transport hodisasi oqibatida yo‘lni qatnov qismiga yugurib chiqqan 12 yoshli bola halok bo‘ldi. Bu haqda “Daryo” muxbiri xabar bermoqda.
Ma’lum bo‘lishicha, 2022-yilning 12-mart kuni soat 22:00 larda Oltinko‘l tumani, “Oqtepa” mahallasi hududidan o‘tuvchi 4R-112 avtomobil yo‘lining 130 kilometrida Oltinko‘l tumani moliya bo‘limida ishlovchi 53 yoshli haydovchi R.V. Nexia-2 rusumli avtomobilini boshqarib ketayotib, yo‘lni qatnov qismiga kesib o‘tish uchun yugurib chiqqan fuqaroni (2010-yilda tug‘ilgan) ko‘rmay qolishi natijasida avtomobilni to‘xtatishga ulgurmasdan urib yuborgan.
YTH oqibatida piyoda ko‘krak qafasi ezilishi, bosh miya chanoq qismining sinishi tan jarohatlari bilan tuman shoshilinch tez tibbiy yordam bo‘limiga yotqizilgan. Biroq ko‘rsatilgan tibbiy muolajalarga qaramasdan jabrlanuvchi shifoxonadan vafot etgan.
Holat yuzasidan Oltinko‘l tuman IIB Tergov bo‘limi tomonidan tergovoldi surishtiruv harakatlari olib borilmoqda.
Izoh (0)