Toshkent shahrining Yunusobod tumani, Amir Temur shohko‘chasida “xorijiy ilg‘or tajriba” asosida sariq-oq yo‘l chiziqlari ko‘rinish bergan edi.
Bundan asosiy maqsad qayrilmoqchi bo‘lgan transport vositalari xavfsizligini taʼminlash ekanligi aytilgandi. Yo‘l bo‘laklari qisqarmasligi qo‘shimcha qilingan edi. Yo‘l chiziqlari yangisiga almashtirilgach barcha harakat xavfsizligini his qilish mumkinligi taʼkidlangan.
15-fevral kuni soat 20:15 larda aynan Amir Temur ko‘chasida 2005-yilda tug‘ilgan J.I. Spark avtomashinasini boshqarib ketayotib, piyodani urib yuborgan.
Hodisa oqibatida piyoda shifoxonaga olib ketilib, birinchi tez tibbiy yordam ko‘rsatilgan.
Bunga qadar jamoatchilik vakillari ushbu chiziqlar xususida o‘z eʼtirozlarini bildirib kelayotgan edi. YTHdan so‘ng bu kabi fikrlar ko‘paydi.
IIV JXD Yo‘l harakati xavfsizligi xizmatining 18-fevral kuni bergan xabariga ko‘ra, “xalqaro tajriba” asosida chizilgan yo‘l chiziqlari o‘chirilmoqda.
Yo‘llarda bolalar o‘limi
2024-yil noyabr oyida Jizzax viloyatining Baxmal tumanida Cobalt katta tezlikda voyaga yetmagan ikki qizni urib yubordi. Shuningdek, Samarqandda avtobus maktab yaqinida yo‘lni kesib o‘tayotgan bolani urib yuborib, uning o‘limiga sabab bo‘lgandi. Surxondaryoda 1-sinf o‘quvchisi Nexia urib yuborishidan vafot etgandi.
Senat bergan ma’lumotga ko‘ra, 2024-yilning 5 oyi davomida jami 359 nafar o‘quvchi bilan bog‘liq yo‘l-transport hodisasi sodir etilgan va 65 nafar o‘quvchi halok bo‘lgan, 294 nafar o‘quvchi esa turli darajada tan jarohatlari olgan. 2023-yilda bolalar bilan bog‘liq 1 794 ta YTH yuz berib, ularda 1 568 nafar bola jarohatlangan, 263 nafari vafot etgan.
Sentyabrda Toshkentda BYD 9 yoshli maktab o‘quvchisini urib yuborib, uning o‘limiga sababchi bo‘lgandi. Xuddi shu kabi holat iyul oyida Navoiy viloyati Xatirchi tumanida sodir bo‘lgan. Katta tezlikda harakatlanayotgan BYD piyodalar o‘tish joyidan o‘tayotgan 9 yoshli qizaloqni bosib ketgan. O‘sha oyda Samarqandda 7 yashar bola avtomobil urib ketishi oqibatida vafot etdi. Aprelda Jizzaxda sodir bo‘lgan YTH oqibatida ikki nafar maktab o‘quvchisi halok bo‘ldi.
Bolalar ishtirokida ayanchli YTHlar ko‘paygach, jamoat faollari yo‘llarda bolalar o‘limi uchun siyosiy javobgarlik bo‘lishi kerakligini aytdi.
Toshkentda sodir bo‘layotgan YTHlar
5-dekabr kuni Toshkent shahrining Mirzo Ulug‘bek va Yunusobod tumanlarida 1,5 soat ichida YTHlar sodir bo‘lgani haqida xabar berilgandi. Shuningdek, 6-dekabr kuni Yunusobod va Yashnobod tumanlarida YTHlar sodir bo‘lgandi.
3-noyabr tunda poytaxtning uchta tumanida YTH sodir bo‘ldi. Sergelida Spark va Matiz to‘qnashdi, Yunusobodda Lacetti yo‘l chetidagi beton ustunga borib urildi, Mirzo Ulug‘bek tumanida Lacetti va BMW to‘qnashdi.
11-noyabr kuni Mirobod tumanidagi “Sanʼat muzeyi” qarshisida Lacetti King Long avtobusi orqasiga borib urildi. 16-noyabrda Yakkasaroy tumani Malibu yo‘l chetidagi temir ustunga urildi va haydovchisi va yo‘lovchisi jarohat oldi.
17-noyabr kuni Yunusobod tumanida Toyota, Malibu-2 va Cobalt avtomashinalari ishtirokida YTH sodir bo‘ldi. 24-noyabr kuni Mirzo Ulug‘bek tumanida Spark va Epica to‘qnashib, yonib ketdi. Hodisa oqibatida halok bo‘lganlar yo‘q.
Mirzo Ulug‘bek tumanida 28-noyabr kuni soat 16:10 larda 5 ta avtomashina ishtirokida YTH sodir bo‘ldi.
Izoh (1)
bizda probka bo'lganligi sabab bunaqa chiziqlar ishlamidi, uni ustiga chetki polosa quvib o'tish polosasi, quvib o'tuvchi, polosa ingichkalashib ketganini bilmi qolishi mumkin, bilgan taqdirda xam u to'xtab yondosh polosa yol berishini kutib qolishi mumkin natijaga yana probka xosil qiladi. undan ko'ra choraxadan boshlab o'rtada yol ajratuvchi bordyurni kengroq qilish kerak, shunda choraxadan yolga kiruvchilar biladiki botta 5 ta polosa emas 4 ta, va yarim yo'lda 5 polosa 4 taga aylanmidi.
bunaqa chiziq novza tomonda mostiga chiqishda xam bor lekin o'tta polosa kesgin chzilgan, maqsad most tagidan mostga chiquvchilarga qulaylik yaratish, botta xam shu polosa ishlamidi, sababi chettagi 1-polosadan kevotganlar majbur boladi 2-polosaga o'tishga va ular 2-polosadagilar o'tib ketishini va yol berishini kutib qoladi va yana probka xosil qiladi, shu sabab bunaqa chizilgan polosalar ishlamidi.
bunaqa polosalar chizishidan avval Toshkent probkalarini va O'zbekiston xaydovchilarni xaydash madaniyatini xisobga olgan xolda matematik modelini yaratib kompyuterda modellashtirilishi kerak va o’tkazuvchanlikka va xarakat xavfsizligiga ta’sirini o’rganish kerak.
"A" polosali yollar xam xamma ko'chalarga tog'ri kelurmidi, sababi shunaqa ko’chalar borki, ularda xizmat korsatish shxobchalari, savdo shaxobchalari, odamlar yashaydigan domlarga kirish joyladi, AZS lar kop va u joylarga yengil-avtomobillar kirib chiqishi, moshinani qoyib ketishi odatiy xol. Avtobuslarga esa chekti polosa faqat o’ngga choraxada burilishi uchun kerak, va shu polosani avtobuslar uchun ajratish foydasi yoq, butta “A” polosani qoidasi ishlamidi. Avtobuslar uchun polosani avvalgi tramvay yoliga ko’chirish kerak, u polosa yengil-avtomobillar uchun faqat chapga burilish va qayrilib olish uchun kerak, shu sabab u polosa (agar maxsus bordyur bilan ajratilsa) umuman band bo’lmaydi.