Qashqadaryo viloyati Muborak tumanida uxlab qolgan Nexia haydovchisi ichki ishlar xodimlari bo‘lgan mashina bilan to‘qnashdi. Holat yuzasidan Bosh prokuratura “Daryo”ga ma’lumotlarni taqdim etdi.
Unda keltirilishicha, mazkur holat yuzasidan 6-aprel kuni Muborak tuman prokuraturasi tomonidan Jinoyat kodeksining 266-moddasi 3-qismi “a” bandi bilan jinoyat ishi qo‘zg‘atilgan.
Jinoyat ishi doirasida sudning 7-apreldagi ajrimiga ko‘ra, bir nafar shaxsga nisbatan qamoqqa olish tarzidagi ehtiyot chorasi qo‘llangan. YTH oqibatida bir nafar IIB profilaktika inspektori voqea joyida, yana biri shifoxonada vafot etgan, uchinchi xodim hozirda shifoxonada davolanmoqda.
Bundan avval Samarqandda YPX xodimining qonuniy talabiga bo‘ysunmasdan inspektorning hayoti uchun xavfli harakatlar sodir etgan haydovchiga jazo tayinlangan edi. Shuningdek, Farg‘ona shahrida Gentra haydovchisi YPX xodimining talabiga bo‘ysunmay, xodim ustiga mashinani boshqargani xabar qilingandi.
Qashqadaryo viloyati Shahrisabz shahrida ichki ishlar organi xodimining ovqatlanib o‘tirgan joyiga bostirib kirib, tasvirga olgan va ijtimoiy tarmoqlarga tarqatganlarga chora ko‘rilgandi. Shuningdek, Toshkentda ichki ishlar xodimini o‘ldirib, yoqib yuborgan 3 erkakka hukm o‘qilgani to‘g‘risida xabar berilgan edi.
Izoh (0)