Toshkent shahrining Chilonzor tumani, Muqimiy ko‘chasi 166-uy qarshisida 11-dekabr kuni YTH sodir bo‘ldi. Bu haqda poytaxt IIBB YHXB axborot xizmati xabar berdi.
Haydovchilar 2003-yilda tug‘ilgan B. boshqaruvidagi BMW, 1999-yilda tug‘ilgan R.O. boshqaruvidagi BYD hamda 1996-yilda tug‘ilgan J.A. boshqaruvidagi Lacetti avtomashinalari o‘zaro to‘qnashgan.
Hodisa oqibatida Lacetti avtomashinasi haydovchisiga tez yordam xodimlari tomonidan birinchi tez tibbiy yordam ko‘rsatilgan.
Holat yuzasidan Toshkent shahar IIBB YHXB mas‘ul xodimlari tomonidan surishtiruv ishlari olib borilmoqda.
Shuningdek, 12-dekabr kuni soat 02:18 larda, Andijon shahar Maydon ko‘chasida YTH sodir bo‘ldi. Bu haqda Andijon viloyati IIB JXX YHXB axborot xizmati xabar berdi.
Foto: Andijon viloyati IIB JXX YHXB axborot xizmati
1995-yilda tug‘ilgan haydovchi A.R. Damas mashinasini boshqarib kelayotgan vaqtida, yo‘lning 300 metr oralig‘ida muzlama hosil bo‘lganligi tufayli rul boshqaruvini yo‘qotib, qatnov qismidan chiqib ketib to‘siqqa borib urilgan.
Hodisa oqibatida hech kimga tan jarohati yetkazilmagan, mashina texnik shikastlangan.
Toshkentda sodir bo‘layotgan YTHlar
5-dekabr kuni Toshkent shahrining Mirzo Ulug‘bek va Yunusobod tumanlarida 1,5 soat ichida YTHlar sodir bo‘lgani haqida xabar berilgandi. Shuningdek, 6-dekabr kuni Yunusobod va Yashnobod tumanlarida YTHlar sodir bo‘lgandi.
3-noyabr tunda poytaxtning uchta tumanida YTH sodir bo‘ldi. Sergelida Spark va Matiz to‘qnashdi, Yunusobodda Lacetti yo‘l chetidagi beton ustunga borib urildi, Mirzo Ulug‘bek tumanida Lacetti va BMW to‘qnashdi.
11-noyabr kuni Mirobod tumanidagi “Sanʼat muzeyi” qarshisida Lacetti King Long avtobusi orqasiga borib urildi. 16-noyabrda Yakkasaroy tumani Malibu yo‘l chetidagi temir ustunga urildi va haydovchisi va yo‘lovchisi jarohat oldi.
17-noyabr kuni Yunusobod tumanida Toyota, Malibu-2 va Cobalt avtomashinalari ishtirokida YTH sodir bo‘ldi. 24-noyabr kuni Mirzo Ulug‘bek tumanida Spark va Epica to‘qnashib, yonib ketdi. Hodisa oqibatida halok bo‘lganlar yo‘q.
Mirzo Ulug‘bek tumanida 28-noyabr kuni soat 16:10 larda 5 ta avtomashina ishtirokida YTH sodir bo‘ldi.
Izoh (0)