Namangan viloyatining Davlatobod tumani, “Porloq” mahallasi, Islom Karimov ko‘chasida 2-aprel kuni YTH sodir bo‘ldi. Bu haqda viloyat IIB YHXB axborot xizmati xabar berdi.

Maʼlum qilinishicha, haydovchilik guvohnomasiga ega bo‘lmagan maktab o‘quvchisi Nexia-3 mashinasini boshqarib borib, yo‘lning qarama-qarshi tomoniga chiqib ketgan va yuk avtomashinasi bilan to‘qnashgan.
Hodisa oqibatida yengil mashina haydovchisi va old o‘rindig‘idagi yo‘lovchi — haydovchining sinfdoshi bo‘lgan bola og‘ir tan jarohati olib, shifoxonaga yotqizilgan.
Surishtiruvlarda maʼlum bo‘lishicha, Nexia-3 haydovchisi o‘ziga avvaldan tanish bo‘lgan 11-sinf o‘quvchisidan 2 soatga ijara evaziga mashina haydovchi yigitlarni so‘raydi. U esa 9-sinf o‘quvchilariga bu taklifni beradi va ulardan jami 220 ming so‘m pul oladi. Pullardan 70 ming so‘mini o‘rtachi bola, 150 ming so‘mini avtomashina egasi oladi.
Keyinchalik mashinani ijaraga bergan shaxsning o‘zi ham avtomobilni ijaraga haydashi maʼlum bo‘ldi.
2024-yilning aprel oyida Namanganda 11-sinf o‘quvchisi Lacetti’da ikki talabani urib yuborgandi.
2024-yilning noyabrida esa Namangan shahrida 9-sinf o‘quvchisi boshqargan Gentra avtomobili ishtirokida avtohalokat sodir bo‘lgandi.
Izoh (0)