Gubkin universitetining Toshkent filiali talabalarga Rossiyaning jasur qo‘shinlari haqida maʼruza qilinganini rad etishi, YHXX Road24 bilan maʼlumot almashinuvini to‘xtatib, Safe Road ilovasini taqdim etishi, Toshkentdagi “Risoviy” bozori sotuvga qo‘yilishi — “Daryo” nashri bugun, 14-aprelda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Toshkentda yuk mashina haydovchisi piyodani urib yuborib o‘limiga sababchi bo‘ldi (video)
Holat yuzasidan jinoyat ishi ochildi.
O‘zbekistonda aholining necha foizi mehnatga layoqatli?
Doimiy aholi sonining yosh guruhlari bo‘yicha tarkibi haqida ma’lumot berildi.
Toshkent tirbandlik darajasi bo‘yicha dunyoda nechanchi o‘rinda?
Statistik portal dunyodagi eng tirband shaharlar reytingini e’lon qildi. Markaziy Osiyoning 3 shahri ushbu reytingdan o‘rin oldi.
Namanganda o‘z jiyanlari va kelinoyisini “svet” sabab vaxshiylarcha o‘ldirgan erkak umrbodga qamaldi
Amakisining turmush o‘rtog‘i qotilning uyini muntazam ravishda elektr tarmog‘idan uzib qo‘ygani 3 kishining o‘limiga sabab bo‘ldi.
“Urush va Rossiyaning jasur qo‘shinlari haqida so‘zlab berishadi” — Toshkentdagi Rossiya universiteti talabasi
Gubkin nomidagi neft va gaz universiteti filialida talabalarga har hafta urush bo‘yicha ma’ruzalar o‘tilayotgani va “rus qo‘shinlari satanistlarga qarshi kurashayotgani” haqida aytilmoqda.
Namanganda fuqaro uyida gaz ta’minoti korxonasiga qarashli gaz ballonlarini noqonuniy sotayotgani aniqlandi
U ballonlarni fuqarolarga 120 ming so‘mdan sotgan.
Farg‘onaga 12 dona zamonaviy avtobus olib kelindi (video)
Yil yakuniga qadar viloyatga 62 ta avtobus olib kelish rejalashtirilgan.
Abdulaziz Komilov Italiyaning eng yuqori davlat mukofoti bilan taqdirlandi
Prezidentning tashqi siyosat bo‘yicha maxsus vakili “Italiya Respublikasi oldidagi xizmatlari uchun” ordenining “Ofitser” darajasi bilan taqdirlandi.
Gubkin universitetining Toshkent filiali talabalarga Rossiyaning jasur qo‘shinlari haqida maʼruza qilinganini rad etdi
“Murojaatda nomi tilga olingan shaxs filial talabalari tarkibida mavjud emasligi aniqlandi”, deyiladi filial bayonotida.
Shavkat Mirziyoyev Chorvoq suv ombori bo‘yida quriladigan xalqaro turizm markazining master-rejasi bilan tanishdi
Davlat rahbari bu loyiha barcha tashrif buyuruvchilarga qulay bo‘lishi lozimligini taʼkidladi.
Road24 mi yoki Safe Road? Nega ishlab turgan ilovadan voz kechildi?
Bugun ijtimoiy tarmoqlarda aynan shu mazmundagi savollar ko‘p va xo‘p yangradi. Har kim o‘zicha talqin qildi. Kimdir “u” desa, boshqa birov “bu sabab” dedi. Xullas, talqin turlicha, biroq masʼullar buni “fuqarolarga yanada qulaylik yaratish”, deb nomladi.
Toshkentning Yashnobod tumanida okeanarium quriladi
Prezident turizm va bunyodkorlik loyihalari taqdimoti bilan tanishdi.
Xorvatiyada og‘ir tan jarohati olgan O‘zbekiston fuqarosi vatanga olib kelindi
Fuqaro 2024-yilda ishlash uchun Zagrebga borib, YTH oqibatida og‘ir tan jarohati olgan.
Toshkentdagi “Risoviy” bozori sotuvga qo‘yildi
Arizalar 28-aprel kuni soat 9:00 gacha qabul qilinadi va natijalar o‘sha kuni soat 10:00 da e’lon qilinadi.
Qirg‘izistonda sodir bo‘lgan zilzila O‘zbekistonda sezildi
Episentrda sezilish kuchi 4 ball bo‘lgan.
Izoh (0)