Andijon viloyati Oltinko‘l tumanida Malibu va Nexia to‘qnashib ketdi. Bu haqda viloyat YHXB xabar berdi.
Ma’lum qilinishicha, holat 5-aprel kuni soat 10:20 larda Oltinko‘l tumani “Oqtepa” MFY hududidan o‘tgan 4R-112 Farg‘ona halqa avtomobil yo‘lining 127-kilometrida sodir bo‘lgan. 1998-yilda tug‘ilgan B.M. o‘zining Malibu 2 sini tezlikni oshirib boshqarib ketayotib, o‘zi bilan bir yo‘nalishda oldinda to‘xtab chapga burilayotgan, 1959-yilda tug‘ilgan X.P. boshqaruvidagi Nexia bilan oraliq masofasini saqlay olmasdan, qarama-qarshi yo‘nalishga o‘tib ketib orqasidan borib urgan va YTH sodir qilgan.
Ushbu YTH oqibatida Nexia haydovchisi P.X. tan jarohati olib, tuman shifoxonasiga yotqizilgan.
Hozirda mazkur holat yuzasidan Oltinko‘l tumani IIB Tergov bo‘linmasi xodimlari tomonidan tergovga qadar surishtiruv ishlari olib borilmoqda.
Bir kun avval ham Andijonda ayanchli YTH sodir bo‘lgan edi. Damas avtomashinasi to‘qnashuv natijasida boshqaruvni yo‘qotgan va o‘zi bilan bir yo‘nalishda yonma-yon kelayotgan 34 yoshli N.X. boshqaruvidagi “Moskvich-412” rusumli avtomashinasiga borib urilgan.
YTH oqibatida Cobalt avtomashinasi haydovchi A.G. bosh chanoq suyagining yopiq sinishi, ko‘krak qafasining ezilishi, Damas avtomashinasi haydovchisi B.A. bosh chanoq suyagining hamda o‘ng yelka va o‘mrov suyaklarining yopiq sinishi, Damas avtomashinasi ichida bo‘lgan 29 yoshli yo‘lovchi A.O. chap oyoq boldir suyagining yopiq sinishi tashxisi bilan Respublika shoshilinch tez tibbiy yordam markaziga yotqizilgan. Ko‘rsatilgan muolajalarga qaramay, Cobalt va Damas haydovchilari shifoxonada vafot etgan.
Izoh (0)