Sirdaryo viloyatida joylashga tungi klublarning birida janjallashgan qizlar sud qilindi. Bu haqda “Bu kun” dasturida xabar berildi.
Qizlar vaqtincha ishsizlar ro‘yxatida turadi. Sudda aniqlanishicha, ularning tungi klubda raqs tushishi atrofdagi yigitlarning eʼtiborini tortgan. Bu esa o‘zaro janjal bilan yakunlangan.
Voqea joyiga yetib kelgan mahalla profilaktika inspektori janjalni to‘xtatish uchun yordamchi kuchni ham chaqirgan.
“Baqir-chaqir qilib, haqoratli so‘zlar bilan so‘kindi. Maʼlumotnoma olib, tibbiy ko‘rikdan o‘tkazamiz deganda baʼzilar o‘zini yerga tashlab, o‘ziga o‘zi tan jarohati yetkazishga harakat qildi”, deydi xodim.
Ular spirtli ichimlik isteʼmol qilgan bo‘lgan. Holat yuzasidan Maʼmuriy javobgarlik to‘g‘risidagi kodeksning tegishli moddalar bilan 3 sutkadan qamoq jazosi tayinlandi.
Kecha Xorazm viloyatida 7-sinf o‘quvchisi tungi klubda raqqosalik qilayotganda qo‘lga tushgani haqida xabar berilgan edi. Viloyatda o'tkazilgan reyd davomida tungi ko‘ngilochar maskanlar rahbarlari va ishchilariga nisbatan jami 24 ta ma’muriy bayonnoma rasmiylashtirilgan. Klublarda litsenziyasiz raqqosalik bilan shug‘ullanish bo‘yicha 23 ta holat aniqlanib, ma’muriy bayonnomalar hujjatlashtirilgan.
Izoh (0)