O‘zining zamonaviy arxitekturasi bilan mashhur Dubayda sun’iy Oy quriladi. Bu haqda The Mirror xabar berdi.
Dubay kurorti osmono‘par bino tepasida sun’iy Oy qurishni rejalashtirmoqda. Qurilish narxi 4 milliard funt sterling (salkam 5 milliard dollar) ga baholanmoqda. Loyihaga asos solgan kanadalik tadbirkor Maykl Xenderson 30 metrli bino tomiga Oy qurishni rejalashtirgan. Uning uzunligi 274 metrni tashkil qiladi.
Loyiha “Oy” deb nomlanadi va u Yerda odamlarga kosmik sun’iy yo‘ldoshga tashrif buyurish imkoniyatini beradi.
“Umid qilamizki, sun’iy Oy har yili 2,5 milliondan ortiq odamni jalb qiladi va yiliga 1,5 milliard funt sterling (salkam 1,9 milliard dollar) dan ortiq daromad keltiradi. Biz dunyodagi eng katta brendga egamiz. Sakkiz milliard odam bizning brendimizni biladi va bu hali boshlanishi”, — dedi Xenderson.
Ta’kidlanishicha, loyiha Moon World Resorts tomonidan moliyalashtirilishi kutilmoqda. Oyning ichida 4000 xonali mehmonxona, 10 000 o‘rinli arena, tungi klub va sog‘lomlashtirish markazi joylashgan kurort bo‘ladi. Mehmonlar, shuningdek, “oy koloniyasi” orqali Oyda yurish qanday ekanini his qilishi mumkin. Oy kechasi to‘liq, yarim yoki yarim oy shaklida porlaydi.
Loyihaning hammuassislari Xenderson va Sandra Ji Metyuslarning aytishicha, bu BAA iqtisodiyotining barcha jabhalariga, jumladan, turizmga sezilarli ta’sir ko‘rsatadi.
“Bu Yaqin Sharq va Shimoliy Afrikadagi eng yirik va eng muvaffaqiyatli zamonaviy sayyohlik loyihasi bo‘lib, o‘zining global jozibadorligi, brend xabardorligi va har tomonlama o‘ziga xos takliflar asosida Dubayga yillik sayyohlik tashriflarini ikki baravar oshiradi”, — deydi loyiha mualliflari
Izoh (0)