Dominikandagi tungi klub tomining qulab tushishi oqibatida halok bo‘lganlar soni 221 kishiga yetdi. Bu haqda Listin Diario xabar berdi.
Ma’lum qilinishicha, 189 kishining hayoti saqlab qolingan. Ikki kun ichida 300 dan ortiq favqulodda xizmatlar xodimi qurbonlarni qidirish va qutqarish, shuningdek, jasadlarni olib chiqish bilan shug‘ullangan. 150 dan ortiq jabrlanganlar hali ham kasalxonalarda qolmoqda.
Dominikanda ushbu qutqaruv operatsiyasi 20 yilda favqulodda vaziyatlar xizmati uchun eng murakkabi bo‘ldi. Sog‘liqni saqlash vaziri Viktor Atallahning so‘zlariga ko‘ra, klubda bo‘lganlarning aksariyati “o‘sha zahotiyoq” halok bo‘lgan. Ekspertiza davomida mutaxassislar 146 nafar marhumning shaxsini aniqlagan.
Fojia 8-aprelga o‘tar kechasi Jet Set klubida yuz berdi. Klubda siyosatchilar, sportchilar va boshqa mashhurlar ishtirokida konsert bo‘layotgandi. Dominikan prezidenti Luis Abinader mamlakatda uch kunlik motam e’lon qildi. Qutqaruvchilar tom qulaganidan qariyb 12 soat o‘tgach ham vayronalar ostidan odamlarni tirik holda chiqargan.
Izoh (0)