Fransiyalik jurnalist Daniel Riolo Kilian Mbappening futbolga munosabati haqida gapirib o‘tdi.
“Bugungi kunda men uchun asosiy savol: uning futbolga bo‘lgan ishtiyoqi haqida nima deyish mumkin? U “Monako”da 17 yoshda bo‘lganini hisobga olsak, yetti yil davomida o‘zining yuqori formasini saqlab kelmoqda.
Messi va Ronaldu o‘zining qoyilmaqom faoliyati bilan, gollari bilan ko‘zlarimizni qamashtirib qo‘ygan, ular hamon to‘xtashni istamayapti, ular yetakchilar. Ammo kun kelib, bu ikkisi istisno ekanligini tushunib yetamiz.
Mbappe ham shunday ishtiyoq bormi, shu qiziq? Bu faqatgina unga emas, ko‘plab futbolchilarga tegishli”, — deydi jurnalist.
Eslatib o‘tamiz, Fransiya terma jamoasi Millatlar Ligasi doirasida Isroilni 4:1 hisobida mag‘lub etdi. Mbappe esa bu vaqtda Stokgolmdagi tungi klublardan birida ko‘zga tashlangan.
Kilian jarohatidan to‘liq tuzalmagani sababli, Fransiya termasidan chaqiruv olmagandi.
“Real” seshanba kuni mashg‘ulotlarga qaytadigan Mbappega Shvetsiyaga ketishi uchun ruxsat bergan. Shuningdek, klub xodimlari La Liga va Chempionlar Ligasi o‘yinlariga tayyorgarlik ko‘rish uchun individual dasturni ham yuborgan. Hujumchi bo‘sh vaqtidan foydalanib, Stokgolmga qarindoshlarini va “PSJ”dagi jamoadoshi Nordi Mukieleni ko‘rgani tashrif buyurgan.
Izoh (0)