Сирдарё вилоятида жойлашга тунги клубларнинг бирида жанжаллашган қизлар суд қилинди. Бу ҳақда “Бу кун” дастурида хабар берилди.
Қизлар вақтинча ишсизлар рўйхатида туради. Судда аниқланишича, уларнинг тунги клубда рақс тушиши атрофдаги йигитларнинг эътиборини тортган. Бу эса ўзаро жанжал билан якунланган.
Воқеа жойига етиб келган маҳалла профилактика инспектори жанжални тўхтатиш учун ёрдамчи кучни ҳам чақирган.
“Бақир-чақир қилиб, ҳақоратли сўзлар билан сўкинди. Маълумотнома олиб, тиббий кўрикдан ўтказамиз деганда баъзилар ўзини ерга ташлаб, ўзига ўзи тан жароҳати етказишга ҳаракат қилди”, дейди ходим.
Улар спиртли ичимлик истеъмол қилган бўлган. Ҳолат юзасидан Маъмурий жавобгарлик тўғрисидаги кодекснинг тегишли моддалар билан 3 суткадан қамоқ жазоси тайинланди.
Кеча Хоразм вилоятида 7-синф ўқувчиси тунги клубда раққосалик қилаётганда қўлга тушгани ҳақида хабар берилган эди. Вилоятда ўтказилган рейд давомида тунги кўнгилочар масканлар раҳбарлари ва ишчиларига нисбатан жами 24 та маъмурий баённома расмийлаштирилган. Клубларда лицензиясиз раққосалик билан шуғулланиш бўйича 23 та ҳолат аниқланиб, маъмурий баённомалар ҳужжатлаштирилган.
Изоҳ (0)