Dani Alves jinsiy tegajog‘likda gumonlanib, hibsga olindi

Braziliyalik futbolchi Dani Alves jinsiy tegajog‘likda gumon qilinib, hibsga olindi.

“Barselona” sobiq himoyachisi 30-dekabr kuni Barselonadagi tungi klublarning birida yosh ayolga nisbatan shilqimlik qilganlikda gumonlanmoqda, deya xabar qilmoqda Cope.

Alves 20-yanvar kuni mahalliy vaqt bilan 10:00 atrofida hibsga olingan va politsiya mahkamasiga olib ketilgan. U yerdan futbolchi sudga yuboriladi.

Jabrlanuvchining arizasiga ko‘ra, Alves tungi klubda ayolning yoniga kelgan va qarshiliklarga qaramay unga tegajog‘lik qilgan. Ayol futbolchidan nari ketib, tungi klub qo‘riqchilariga arz qilgan, ular o‘z navbatida politsiyaga murojaat qilgan.

Ayblovlardan keyin Dani qayd etilgan o‘sha tungi klubda bo‘lgani tan oldi, biroq axloqsizlik qilmaganini aytdi: “Men hech qachon bunday qilmaganman. Bu men va yaqinlarimga zarar yetkazishga urinish”.

Mavzuga doir:

• Fransiya futbol federatsiyasining 81 yoshli sobiq prezidenti jinsiy tegajog‘likda ayblanmoqda
• “Manchester Siti” futbolchisi Benjamen Mendidan jinsiy zo‘ravonlik bo‘yicha 7 ta ayblov olib tashlandi