Ispaniya politsiyasi Madriddagi tungi klubda qirol Filipp VI ning jiyani Felipe Xuan Fernan de Marichalara de Burbon ishtirokida yuz bergan ommaviy mushtlashuv ishini tergov qilmoqda. Bu haqda Daily Mail xabar berdi.
Ma’lum qilinishicha, 25-noyabr kuni yigit klub yaqinida 30 kishi ishtirokidagi mushtlashuvda ishtirok etgan, ulardan ba’zilari pichoq bilan qurollangan. Guvohlar qurbonlar haqida xabar bergan, klub xodimlari esa mast holatda bo‘lgan ikki guruh o‘rtasida to‘qnashuv bo‘lganini aytgan.
Taxminlarga ko‘ra, mojaro janjal yuz bergan joy yonida turgan mashinaning shikastlanishi bilan bog‘liq. Politsiya bezorilik moddasi bo‘yicha ish qo‘zg‘atgan, aybdorlar qamoqqa olinishi mumkin. Hodisa oqibatida yigitning do‘sti pichoqdan jarohat olgan.
Mavzuga doir: Serdar Berdimuhamedov barda to‘polon qilgan qarindoshini “Turkmengaz”dagi yuqori lavozimidan bo‘shatdi
Izoh (0)