Shimoliy Makedoniyaning Kochani shahridagi diskotekada yuz bergan yong‘in natijasida kamida 50 kishi halok bo‘ldi. MIA agentligining IIVga asoslanib xabar berishicha, u yerda jami 1,5 ming kishi bo‘lgan.
Puls (Puls) diskotekasida yong‘in taxminan soat 3:00 da (Toshkent vaqti bilan 7:00) sodir bo‘lgan. Bunga DNK guruhining konserti paytida pirotexnika vositalaridan foydalanilgani sabab bo‘lgan deb taxmin qilinmoqda.
Ichki ishlar vazirligi rasmiy bayonot bermagan bo‘lsa-da, biroq agentlikka kamida 50 kishi halok bo‘lgani, o‘nlab jabrlanganlar mamlakatning turli shaharlaridagi shifoxonalarga yetkazilganini ma’lum qilgan.
Tasdiqlanmagan ma’lumotlarga ko‘ra, konsert o‘tkazilgan tungi klub egasi hibsga olingan.
Voqea joyiga bosh vazir Kristian Mitskoski va hukumat a’zolari yetib kelgan.
Avvalroq 21-yanvar kuni Turkiyaning Bolu shahridagi tog‘-chang‘i kurortida joylashgan mehmonxonada keng ko‘lamli yong‘in sodir bo‘lgandi. Yong‘in oqibatida 79 kishi halok bo‘lgan, yana 51 kishi jarohatlangan. Voqea sodir bo‘lgan vaqtda binoda 240 ga yaqin odam bo‘lgan.
Izoh (0)