Ayrim mashhurlar bir emas, ko‘p yo‘nalishda ijod qilib, muxlislar e’tiboriga tushgan. Ular qo‘shiq aytadi, film suratga oladi va biznes bilan shug‘ullanadi. Quyida shu kabi mashhurlar haqida ma’lumot beriladi.
The Weeknd
Xonanda uzoq vaqt davomida treklarni yozmaydi, endi u uchun neyrotarmoqlar buni amalga oshiradi. The Weeknd o‘zining serialini suratga olish ishlari bilan juda band edi. “Kumir” ko‘tarilib borayotgan pop-yulduzning tungi klub egasi bilan ishqiy munosabati haqida. Xonanda nafaqat loyiha prodyuseri va ssenariy muallifi hisoblanadi, balki unda bosh rolni ham ijro etgan. Uning yangi loyihadagi partnyori Lili-Rouz Depp, film premyerasi 4-iyunga rejalashtirilgan.
Rianna
Xonanda qanday biznes bilan shug‘ullanishni biladi. Rianna 2014-yilda Fenty Beauty kompaniyasini ishga tushirgan. Uning rekord darajadagi 40 ta teri rangiga moslab ishlatiladigan kosmetik mahsulotlari Time jurnali tomonidan “Yil ixtirosi”deb topildi. Riannaning 2018-yilda tashkil etilgan brendi ham mashhur brendlardan biriga aylandi. O‘tgan yili Rianna homilador ayollarning kiyimlar brendini loyihasini yaratayotganini ma’lum qildi.
Mayli Sayrus
Mayli Sayrus butun dunyodagi insonlarga baxt ulashishga harakat qiladi. U 2014-yilda 70-yillardagi submadaniyat tarafdorlarini qo‘llab-quvvatlash uchun Happy Hippie Foundation xayriya jamg‘armasiga asos solgan. Tashkilot konsertlar uyushtiradi, undan tushgan pullar uysiz o‘smirlar va qiyin sharoitida bo‘lgan insonlarga yordam beradi.
“Ega bo‘lgan pozitsiyamda juda katta kuchni his qilaman. Biroq boshqa bolalar bu tuyg‘udan mahrum. Ular ota-onasining qoidalari va taqiqlari ostidadi. Bu hammaning ko‘z o‘ngida sodir bo‘ladi. Bu qushlarning sayrashiga o‘xshaydi: hammamiz buni eshitamiz, biroq ataylab e’tibor bermaymiz, chunki bunga vaqtimiz yo‘q”, —deydi xonanda.
Dreyk
Xonanda Dreyk 2015-yilda o‘z tug‘ilgan shahri Torontoda restoranini ochgan. Fring’s kafesi Osiyo oshxonasiga ixtisoslashgan. Unga tegishli bo‘lgan Pick 6ix sport bari bir necha yil o‘tgach ochildi. Ikkinchi muassasa sabab Dreyk muammolarga duch keldi, shuning uchun u bir necha bor yopildi.
Keti Perri
Xonanda nafaqat o‘z ijodini, balki yosh mualliflar musiqasini ham targ‘ib qiladi. Keti Perri ko‘p yillar davomida American Idol iste’dodlar shousi hakamlar hay’ati a’zosi hisoblanadi. U ushbu dasturda muntazam ishtirok etadi. Xonandaning suratga olish maydonchasidagi chiqishlari soni hisobga olinganda, u yolg‘iz efirga chiqishi mumkin edi. Uning bu dasturdagi liboslari chiqishlariga qaraganda, ko‘proq muhokama qilinadi.
Dua Lipa
Xonanda o‘zining go‘zalligi bilan ko‘pchilikni aqldan ozdiradi. Top brendlar u bilan hamkorlik qilishni xohlashi ajablanarli emas. Dua Lipa Puma, Versace, Patrizia Pepe va boshqa brendlarning yuzi bo‘lgan. Xonanda o‘z faoliyatini modellikdan boshlagan. Dua 16 yoshida juda kam takliflarni olgan, agentliklar uning ortiqcha vaznga ega ekanini ta’kidlab, uni ozishga majbur qildi. Qattiq parhezlar tufayli Lipa sog‘lig‘ida muammolarga duch kela boshladi, shuning uchun u musiqaga e’tibor qaratdi.
“Ehtimol, bu mening asosiy xatom bo‘lgandir, insonlarga o‘zlarini o‘zgartirishga imkon berish — men bunga hech qachon yo‘l qo‘ymayman. Qomat haqidagi namunaviy asoslar men uchun asosiy narsa emas, bu idealizatsiya faqat yosh qizlarning o‘ziga bo‘lgan hurmatini buzadi, ochlik e’lon qilishiga, asabiy buzilishlarga olib keladi va aqliy va jismoniy sog‘liqqa ta’sir qiladi”, deydi model.
Ariana Grande
Ariana Grande qanday atirdan foydalanishini bilmoqchimisiz? Unda xuddi shu nomdagi atir sotib oling. Ikki yillik sotuvda Ariana taxminan 150 million dollar ishlab topishi mumkin. 2022-yilda xonanda o‘zining birinchi parfyumeriyasi Mod Vanillani chiqardi.
Izoh (0)