Koreyalik erkaklar seriallarda ko‘rsatilganidek romantikmi?

Janubiy Koreya o‘zining ajoyib seriallari va musiqasi bilan butun dunyoni o‘ziga jalb qilib kelmoqda. Agar romantik seriallar haqida gapiradigan bo‘lsak, undagi yigitlarni ikki turga bo‘lish mumkin. Birinchisi — mehribon va muloyim. Ikkinchisi esa sovuqqon va qattiqqo‘l yigitlar. Ular atrofdagilarga sovuq munosabatda bo‘lishadi, lekin sevib qolgandan so‘ng asta-sekin yumshoqlashadi.

Tomoshabinlar esa bu qahramonlarga oshiq bo‘lishadi. Xo‘sh, koreys erkaklari haqiqiy hayotda ham shunday muloyim va romantikmi? Bu savolga javob berishdan oldin, Janubiy Koreyadagi go‘zallik tushunchasi haqida gaplashaylik.

Koreyslar V-shaklli yuzlarni chiroyli deb hisoblashadi

Koreyada o‘tkir iyakli (V-shaklli) yuz juda chiroyli deb hisoblanadi. Ko‘pchilik Koreyada ingichka va ozg‘in bo‘lish modada ekanligini biladi. Buning uchun misol tariqasida, ularning mashhur aktrisalari va qo‘shiqchilariga qarash kifoya. Lekin Koreyadagi chet elliklarning tashqi qiyofasi koreys “standartlari” bo‘yicha baholanmaydi. Koreys yigitlari chet ellik ayollarda, burun ko‘prigi baland bo‘lganini, qo‘sh qovoqli, och rangli ko‘zlar, uzun, qalin sochlarni yoqtirishadi. Agar siz mallasoch bo‘lsangiz yanada yaxshi.

Koreyslarda o‘ziga xos uchrashuv va tanishuv madaniyati mavjud

Ilgari kuyov va kelinni ota-onalar tanlagan. Koreyada avvaldan sevishib turmush qurish madaniyati 1960-yillarda paydo bo‘ldi. Shuning uchun mamlakatda o‘ziga xos uchrashuv madaniyati paydo bo‘ldi. 80- va 90-yillarda yoshlar qanday qilib xayrixohlikni namoyon qilishni va kimnidir uchrashuvga taklif qilishni bilishmagan. Yun Hong o‘zining “Koreya to‘lqini” kitobida yozganidek, uning qo‘shnisi o‘ziga yoqqan qizga apelsin sovg‘a qilgan. Bu mevalar o‘sha paytda juda qimmat edi.

Bundan tashqari yigit qizlar baland qavatli binoda lift yordamida tanishishgan. Qizlar turli qavatlarda lift eshiklari oldida turishgan. Yigitlar liftda har bir qavatda to‘xtab, yurishgan. Lift eshiklari ochilgan. Agar yigitga qiz yoqsa, u chiqib, qiz bilan suhbatni boshlagan va davom etgan.

Koreyada yigit va qiz uchun eng oson tanishish usuli bu kollejda o‘qib yurgan kezlaridagi asta-sekinlik bilan bir-birini tanib do‘stlashish imkoniyati bo‘lgan.

Koreys jamiyati hali ham erkak va ayol orasidagi yosh va jinsga jiddiy qarashadi. Ayollar, qoida tariqasida, ayollar bilan, erkaklar esa erkaklar bilan ko‘proq muloqot qilishadi. Kutilmagan uchrashuvlar uchun imkoniyatlar deyarli kam.

Koreyada yana bir qiziq narsa bor, u “seom” (sseom) deb ataladi. Bu yigitning qiz bilan shunchaki do‘stona munosabatda ekanligini yoki u bilan hali bir-birini sinash, o‘rganish va yaqindan tanishish bosqichida ekanligini anglatadi. Lekin bu bosqich bir oydan oshsa bu qizga nisbatan qo‘pollik hisoblanadi.

Kamchiqim to‘ylar trendda

Ilgari to‘y tashkillashtirish agentliklari to‘y oldidan suratga olish, to‘y liboslari va bo‘yanishni taqdim etgan. Ammo hozirda yangi turmush qurayotganlar buning uchun o‘nlab million vonni to‘lashni xohlamaydilar. Ular bayramni mustaqil ravishda rejalashtirishadi: kiyimlar, gulchambar, aksessuarlarni o‘zlari istagan sifatdagi va narxdagisini tanlab o‘z to‘ylariga tayyorgarlik ko‘radilar.

Sevib qolgan koreys romantikka aylanadi-qo‘yadi

Doramalarda bizga ayollarga yoqadigan erkak obrazi ko‘rsatiladi. Shu bilan birga, jamiyat bolaligidan o‘g‘il bolalarga qizlar bilan qanday munosabatda bo‘lishni o‘rgatadi. Ularga qizlarga g‘amxo‘rlik qilish va ular bilan gul kabi muomala qilish kerakligini uqtiradi. Masalan, agar qiz yupun kiyinib, uchrashuvga borgan bo‘lsa-yu, havo birdan sovib ketsa, yigit darrov o‘z ko‘ylagini yechib, uni sevgilisi yelkasiga tutadi.

Koreys erkaklari sevganlariga haqiqatan ham juda romantik munosabatda bo‘lishadi. Ular ko‘pincha qizga xatlar yozadi, uning kundalik ishlari bilan qiziqishadi, kuni qanday o‘tganini so‘rashadi. Buni shunchaki so‘rashmaydi, balki qiz bilan faol ravishda muhokama qiladi.

Ayol turmush o‘rtog‘ining ota-onasiga ham g‘amxo‘rlik qilishi lozim

Jamiyatda kuchli bo‘lgan anʼanalarga ko‘ra, turmushga chiqqandan keyin ayolning hayoti keskin o‘zgaradi. U nafaqat uy ishlari va bolasi bilan shug‘ullanishi, balki erining ota-onasiga ham g‘amxo‘rlik qilishi kerak. Kuyovdan esa ayolining ota-onasiga ko‘proq eʼtibor berishini kutishmaydi. To‘ng‘ich yoki yagona o‘g‘illar ota-onalarini boqish uchun ko‘proq javobgarlikni o‘z zimmalariga olishadi. Shuning uchun ko‘plab koreys ayollari oilada kenja farzand bo‘lgan erkaklarga turmushga chiqishni afzal ko‘rishadi.