Rossiya Tashqi ishlar vazirligi departament rahbari Sergey Lavrovning 28—29-oktyabr kunlari Toshkentga tashrifi qoldirilishini maʼlum qildi.
Qaror ish jadvalidagi o‘zgarishlar bilan bog‘liq.
Lavrov 26-oktyabr kuni O‘zbekiston tashqi ishlar vaziri Baxtiyor Saidov bilan telefon orqali muloqot qilgan. Vazirlik rahbarlari mamlakatlar “ikki davlat rahbarlarining qarorlarini amalga oshirish bo‘yicha faol qo‘shma ishlarni davom ettirish” hamda Rossiya va O‘zbekiston o‘rtasidagi sheriklikni mustahkamlash niyatida ekanini tasdiqlagan.
Rossiya Tashqi ishlar vazirligi vakili Mariya Zaxarova 23-oktyabr kuni Lavrovning O‘zbekistonga amaliy tashrif bilan borish rejalari haqida ma’lum qilgan edi. Uning so‘zlariga ko‘ra, vazirni O‘zbekiston prezidenti Shavkat Mirziyoyev qabul qilishi, Saidov bilan ham muzokaralar o‘tkazilishi rejalashtirilgan.
Muzokaralar chog‘ida, shuningdek, ikki davlat o‘rtasidagi strategik sheriklikni chuqurlashtirishga alohida eʼtibor qaratilishi rejalashtirilgan.
Izoh (0)