Россия ташқи ишлар вазири Сергей Лавров 22—23 апрель куни расмий ташриф билан Ўзбекистонда бўлади. Бу ҳақда вазирлик вакили Мария Захарова брифингда маълум қилди.
Ташриф давомида президент Шавкат Мирзиёев билан учрашиш режалаштирилган. Бундан ташқари Ўзбекистон ташқи ишлар вазири Бахтиёр Саидов билан музокаралар олиб борилади.
Асосий эътибор икки томонлама кенг қамровли стратегик шериклик ва иттифоқчиликни янада ривожлантириш масалаларига қаратилади, дея таъкидлади Захарова.
Музокаралар чоғида вазирлар халқаро масалалар, минтақавий хавфсизлик, Шанхай ҳамкорлик ташкилоти, Марказий давлатлар ҳамдўстлиги ва “Марказий Осиё—Россия” доирасидаги ҳамкорликка эътибор қаратади. Бундан ташқари Ғалабанинг 80 йиллигини нишонлашга тайёргарлик масалалари ҳам муҳокама қилинади.
2024 йил октябрь ойида Лавровнинг Ўзбекистонга ташрифи қолдирилган эди. Россия ташқи ишлар вазирининг иш жадвалидаги ўзгаришлар бунга сабаб бўлган. Сиёсатчи охирги марта 2022 йил июль ойида президент Шавкат Мирзиёев билан учрашган. Томонлар Ўзбекистон—Россия стратегик шериклик ва иттифоқчилик муносабатлари кун тартибидаги долзарб масалаларни кўриб чиққан.
Изоҳ (0)