Xorazmda uch qavatli savdo do‘konida yong‘in chiqishi, Farg‘onada Milliy gvardiya formasini kiygan shaxs fuqaroga qo‘pol muomala qilishi, Telegram tarmog‘ida uzilishlar kuzatilishi – “Daryo” nashri bugun, 17-aprelda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Rossiyada 6 nafar o‘zbekistonlik bo‘lgan avtomobil YTHga uchrab, yonib ketdi
Oqibatda ulardan biri halok bo‘ldi, 5 kishi jarohatlandi.
O‘zbekistonda qarzdorlik hisobiga banklar balansiga olingan mol-mulklar to‘g‘ridan to‘g‘ri sotilishiga ruxsat beriladi
Bank balansiga qabul qilingan bino-inshootlarni esa tayyor biznes sifatida investorlarga sotish mumkin bo‘ladi.
Rossiyadagi ijara kvartiradan to‘rt nafar o‘zbekistonlik jasadi topildi
Dastlabki taxminlarga ko‘ra, ular is gazidan zaharlangan.
Turkiyada begona ayolni suratga olgan o‘zbekistonlik deportatsiya qilinadigan bo‘ldi
Bosh konsulxona ruxsatsiz suratga olish jiddiy choralar ko‘rilishiga sabab bo‘lishi haqida ogohlantirdi.
O‘zbekistonda oliy ta’limga qamrov 40,9 foizga oshdi
O‘n yil davomida 18-23 yoshdagilarni oliy ta’lim bilan qamrab olish ko‘rsatkichi ko‘tarildi.
“Bugun Farg‘ona vodiysi ‘porox bochkasi’ emas” — Sherzod Asadov
Prezident matbuot kotibi uch davlat rahbarlarining sa’y-harakatlari va do‘stligi tufayli bugun Farg‘ona vodiysi imkoniyatlar, yaxshi qo‘shnichilik va bunyodkorlik makoniga aylanganini aytdi.
O‘zbekistonda zararli chigirtka sabab 500 ming gektardan ziyod maydonda kimyoviy ishlovlar o‘tkazildi
743 ming gektarda kuzatuv nazorat ishlari olib borilgan.
Surxondaryoda noyob tarixiy boyliklarni xorijga olib chiqmoqchi bo‘lgan shaxs to‘xtatildi
Hozirda ashyoviy dalillar Termiz arxeologiya muzeyiga topshirilgan.
Xorazmda uch qavatli savdo do‘konida yong‘in chiqdi (video)
Hodisa joyiga 5 ta yong‘in-qutqaruv ekipaji va 2 ta yordamchi suv tashish texnikasi jalb etilgan.
Farg‘onada Milliy gvardiya formasini kiygan shaxs fuqaroga qo‘pol muomala qildi (video)
Holat yuzasidan rasmiy munosabat bildirildi.
Xorazmda 7-sinf o‘quvchisi tungi klubda raqqosalik qilayotganda qo‘lga tushdi (video)
Reyd davomida litsenziyasiz raqqosalik bilan shug‘ullanish bo‘yicha 23 ta holat aniqlangan.
Telegram tarmog‘ida uzilishlar kuzatildi
Ushbu uzilishlar O‘zbekiston tomon bilan bog‘liq emasligi aytildi.
Toshkentdagi ko‘chalardan biri 3 kunga yopiladi
Bunga asfaltlashtirish ishlari olib borilishi sabab bo‘ladi.
Toshkentda 95 foiz iste’molchi oqova suv tizimi bilan ta’minlangani aytildi
Ayni kunda Bo‘zsuv oqova suv inshootlarda ta’mirlash ishlari olib borilmoqda.
Izoh (0)