Toshkentdagi xususiy maktabda ikki o‘qituvchining 9-sinf o‘quvchisiga kuch ishlatishi, Toshkentdagi ikki tarixiy mahallada art-rezidensiyalarning tantanali ochilish marosimi bo‘lishi, Namangan viloyat sudi raisi o‘rinbosari o‘zganing uyini soxta hujjat orqali o‘zlashtirib, sotib yuborishi — “Daryo” nashri bugun, 4-oktyabrda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekistonda yangi agentlik tashkil etilishi belgilandi
Adliya vazirligi mazkur agentlik vazifalari haqida ma’lumot berdi.
O‘tgan ikki oyda xorijda qarovsiz qolgan 34 bola O‘zbekistonga qaytarildi
Bolalar va ularning oila a’zolariga psixologik hamda huquqiy yordam ko‘rsatilmoqda.
O‘zbekistonda maktabgacha va maktab ta’limi vaziri jamg‘armasi hisobidan bog‘cha xodimlarini rag‘batlantirishga ruxsat etiladi
Trener sifatida faoliyat yuritayotgan direktor o‘rinbosarlariga lavozim maoshining 20 foizi miqdorida qo‘shimcha har oylik ustama to‘lanadi.
Abdulla Aripov O‘zbekiston Shaxmat federatsiyasi raisi etib saylandi
Alisher Sa’dullayev federatsiya raisi birinchi o‘rinbosari sifatida faoliyatini davom ettiradi.
Toshkentdagi xususiy maktabda ikki o‘qituvchi 9-sinf o‘quvchisiga kuch ishlatdi (video)
Holat bolalar ombudsmani tomonidan nazoratga olingani ma’lum qilindi.
Toshkentdagi ikki tarixiy mahallada art-rezidensiyalar tantanali ochilish marosimi bo‘ldi (foto)
Tadbirda Saida Mirziyoyeva ham ishtirok etdi.
Taras Shevchenko ko‘chasidagi gastronomik alleyaning 1-bosqichini yakunlash muddati kechiktirildi
Gastronomik ko‘cha bo‘ylab 6 ta foto-zona barpo etilgan, 39 ta kichik va 17 ta katta torsherlar o‘rnatilgan, 1 ta avtobus bekati qurilgan.
Samarqandda sodir bo‘lgan YTH oqibatida haydovchi jarohatlandi
Holat yuzasidan dastlabki surishtiruv ishlari olib borilmoqda.
O‘zbekistonda kreativ iqtisodiyot rivojlantiriladi
Kreativ industriya sohalaridagi faoliyat yo‘nalishlariga urbanistika, konsert-tomosha faoliyati, raqamli texnologiyalar sohasidagi ijodiy faoliyat kabilar kiradi.
Namangan viloyat sudi raisi o‘rinbosari o‘zganing uyini soxta hujjat orqali o‘zlashtirib, sotib yubordi
Sud raisiga nisbatan xizmat tekshiruvi o‘tkazilgan, tekshiruv xulosasi tegishli qaror qabul qilish uchun Sudyalar oliy malaka hayʼatiga yuborilgan.
Tashkent City hududidagi bank binolarini sotib olishga 4 ta investor qiziqish bildirgani maʼlum qilindi
Joriy yilning may oyida “Asakabank”, “O‘zsanoatqurilishbank” va “Aloqabank”ning ko‘p qavatli binolari sotuvga qo‘yilgan edi.
Mahallabay ishlash va tadbirkorlikni rivojlantirish agentligi Kambag‘allikni qisqartirish va bandlik vazirligiga o‘tkaziladi
Prezidentning “Kambag‘allikni qisqartirish va bandlik sohasida davlat siyosatini takomillashtirish va samaradorlikni oshirish chora-tadbirlari to‘g‘risida”gi qarori qabul qilindi.
Izoh (0)