Qashqadaryoda o‘qituvchi 5-sinf o‘quvchisini urib jarohatlashi, Yunusobod tumani prokuraturasi katta tergovchisiga qidiruv eʼlon qilinishi, Toshkentda inson tana aʼzolari sotilishida dallollik qilmoqchi bo‘lgan talabaning ushlanishi — “Daryo” nashri bugun, 9-oktyabrda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekistondagi 12 ta bog‘chada fransuz tilini o‘qitish yo‘lga qo‘yiladi
Bu borada Kokoro lingua kompaniyasi bilan kelishuvga erishildi.
Murojaat qilganlarning 31 tasi quyosh paneli o‘rnatishga majburlangan — Energetika vazirligi
Energetika vaziri Jo‘rabek Mirzamahmudov “Lolazor” podkastida quyosh panellarini o‘rnatish bo‘yicha noqonuniy harakatlar kuzatilsa, qabulxonasiga (71-231-14-41 raqamiga) qo‘ng‘iroq qilishlarini aytgandi.
“O‘zbekiston temir yo‘llari” bosh muhandisi Husniddin Hosilov ishdan ketdi, avvalroq yo‘l qo‘ygan kamchiliklari uchun boshqaruv raisligidan olingandi
U bir necha yil “O‘zbekiston temir yo‘llari”da rahbarlik lavozimlarida, jumladan, boshqaruv raisi sifatida ham ishlagan.
Buxoroda ikki o‘quvchi o‘limiga sababchi bo‘lgan avtobus haydovchisiga jazo tayinlandi
Maktab o‘quvchilarini olib ketayotgan avtobus yuk mashinasi bilan to‘qnashgandi.
Toshkentda temiryo‘l xodimini poyezd bosib ketdi
U voqea joyida vafot etgan.
Qo‘lda terilgan paxta narxi 2500 so‘m etib belgilandi
Tarmoqlarda Namangan viloyati hokimi terimchilarga bir kilo paxta uchun 2500 so‘mdan to‘lanishini aytgan videolavha tarqaldi.
Qashqadaryoda sodir bo‘lgan YTH oqibatida 2 kishi vafot etdi
Holat yuzasidan jinoyat ishi qo‘zg‘atilib, tergov harakatlari olib borilmoqda.
O‘zbekistonda o‘tgan yetti yilda elektromobillar importi 10 baravarga oshdi
Statistika agentligining dastlabki ma’lumotlariga ko‘ra, O‘zbekistonga joriy yilning yanvar—avgust oylarida xorijdan qiymati 166,8 mln dollarlik 12 ming 913 ta elektromobil import qilingan.
Toshkentda inson tana a’zolari sotilishida dallollik qilmoqchi bo‘lgan talaba ushlandi
Talaba e’londa inson buyragini 38 ming dollarga, jigarini 43 ming hamda suyak iligini 23 ming dollarga olishini bildirgan.
Qashqadaryodagi tibbiyot muassasasida 2,1 mlrd so‘mlik “svet”dan noqonuniy foydalanilgani aniqlandi
Holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.
Toshkent shahri 7,5 mln odam yashashi uchun qulay sharoitga ega yirik megapolisga aylantiriladi
Shahar va uning atrofidagi yashil hududlar 3 karra ko‘paytirilib, 25 ming gektarga yetkazilishi belgilanmoqda.
Yunusobod tumani prokuraturasi katta tergovchisiga qidiruv eʼlon qilindi
Ayblanuvchiga nisbatan sirtdan “qamoqqa olish” tarzidagi ehtiyot chorasi qo‘llanilgan.
Shavkat Mirziyoyevga Buxoro xalqaro aeroporti loyihasi bo‘yicha axborot berildi
Davlat rahbari yangi aeroportda o‘tkazuvchanlik qobiliyatini 2 barobar oshirib, soatiga 8 ta samolyot kelish-ketishiga imkoniyat yaratish zarurligini taʼkidladi.
Qashqadaryoda o‘qituvchi 5-sinf o‘quvchisini urib jarohatladi
Viloyat Maktabgacha va maktab taʼlimi boshqarmasi o‘qituvchining qo‘li o‘quvchining burniga bexosdan tegib ketganini aytmoqda.
Izoh (0)