Piyodalar yo‘laklaridan harakatlangan haydovchilar javobgarlikka tortilishi, Kadastr agentligi Andijon tumani bo‘limi sobiq boshlig‘i qo‘lga olinishi, Namanganda YPX xodimlari hujjatlarsiz olib ketilayotgan 360 ta iPhoneʼni aniqlashi — “Daryo” nashri bugun, 11-aprelda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Toshkent metropolitenida poyezd ikki bekat oralig‘ida to‘xtab qoldi
Mashinist harakat tarkibidagi nosozlikni tuzatgan.
O‘zbekistonda piyodalar yo‘laklaridan harakatlangan haydovchilar javobgarlikka tortiladi
Shuningdek, avtobuslar uchun ajratilgan yo‘ldan yurganlik uchun jarima miqdori belgilandi.
“Gazprom” O‘zbekistondagi loyihadan chiqdi
Rossiya kompaniyasi 20 yil davomida “Shoxpaxta” koni bo‘yicha hamkorlik qildi.
“Bolalar uchun milliy kontent tayyorlayotgan ‘Donocha’ kabi loyihalarni qo‘llab-quvvatlayman” — Saida Mirziyoyeva
Prezident yordamchisi yetakchi animatsiya studiyalari vakillari bilan uchrashib, sohaning real holati hamda uni rivojlantirishga doir takliflarni eshitdi.
Qashqadaryodagi bog‘chada tarbiyachi bolaning boshiga qaynoq suv to‘kib yubordi
Holat yuzasidan mutasaddilar izoh berdi.
O‘zbekistonda probatsiyani amalga oshirishga ko‘maklashganlar rag‘batlantirilishi mumkin
Prezidentning ayrim hujjatlariga o‘zgartirish va qo‘shimchalar kiritildi.
Transport vazirligi Qozog‘iston orqali tranzit harakatlanayotgan haydovchilarga murojaat qildi
“Ortiqcha ovoragarchiliklardan o‘zingizni xalos eting”, deyiladi murojaatda.
Kadastr agentligi Andijon tumani bo‘limi sobiq boshlig‘i qo‘lga olindi
Unga nisbatan ikki modda bilan jinoyat ishi qo‘zg‘atildi.
Jurnalist Ruxsora G‘ofurovaga nisbatan qo‘zg‘atilgan maʼmuriy ish tugatildi
Jurnalist o‘zgalar nomiga isteʼmol krediti olib, uni o‘zlashtirganlikda gumon qilinayotgan sobiq bank xodimi haqida material tayyorlagan va uni efirga uzatgan.
Bo‘stonliqda 2 yoshli bola jarlikka tushib ketdi
Bola yuqoriga olib chiqilib, ota-onasiga sog‘-salomat topshirilgan.
Namanganda YPX xodimlari hujjatlarsiz olib ketilayotgan 360 ta iPhone’ni aniqladi
Mobil qurilmalar hamda haydovchi Iqtisodiy jinoyatlarga qarshi kurashish departamentiga surishtiruv ishlarini davom ettirish uchun topshirilgan.
To‘qqizta viloyatda sel xavfi eʼlon qilindi
Respublika hududi bo‘yicha yomg‘ir suvlari to‘planishi ehtimoli bor.
Toshkentda 12 va 13-aprel kunlari hashar o‘tkaziladi
Bunda ko‘p qavatli uylar atrofi va jamoat hududlarini tozalash ko‘zda tutilmoqda.
Toshkentda 4 kishini hajga jo‘natish uchun 27,2 ming dollar olayotgan turfirma xodimi ushlandi
Turfirmaning ushbu faoliyat bilan shug‘ullanishga litsenziyasi bo‘lmagan.
Izoh (0)