Afg‘onistondagi zilzila O‘zbekiston hududlarida sezilishi, moped va skuterlarlarni haydovchilik guvohnomasisiz boshqarganlarni jarimaga tortish kechiktirilishi, Buxoroda maktab o‘quvchisi quduqqa tushib ketishi oqibatida vafot etishi – “Daryo” nashri bugun, 16-aprelda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Afg‘onistondagi zilzila O‘zbekiston hududlarida sezildi
Qator viloyatlarda uning kuchi 3-4 balldan sezilgan.
AQSH davlat departamenti O‘zbekistonga ajratiladigan grantni bekor qildi
Departament 139 ta “foydasiz” loyihalar uchun grant mablag‘larini ajratishni to‘xtatib qo‘ydi.
O‘zbekistonda Qishloq xo‘jaligi sug‘urtasi jamg‘armasi tashkil etiladi
Qishloq xo‘jaligi tavakkalchiliklarini sug‘urta qilish sohasidagi munosabatlarni tartibga solishga qaratilgan qonun qabul qilindi.
O‘zbekistonda moped va skuterlarlarni haydovchilik guvohnomasisiz boshqarganlarni jarimaga tortish kechiktirildi
Moped va skuter haydovchilari uchun haydovchilik guvohnomasi talabi 1-oktryabrdan kuchga kiradi.
“Andijon muzqaymog‘i”dan zaharlanish mumkinmi?
Sanepidqo‘mita sanitariya qoidalariga zid ravishda yo‘l-yo‘lakay sotilayotgan muzqaymoqlar xavfidan ogohlantirdi.
O‘zbekistonda har bir qurilayotgan obyektning QR-kodli pasporti joriy etiladi
Qurilish va uy-joy kommunal xo‘jaligi sohasida davlat nazorati bo‘yicha prezident farmoni qabul qilindi.
O‘zbekistonda qurilishni nazorat qiluvchi inspektorlarga bodikamera va planshetlar beriladi
Hududiy inspeksiyalarda Qurilish obyektlarini onlayn kuzatish markazi tashkil etiladi.
Andijon viloyatini rivojlantirishga qo‘shimcha 1 trln so‘m yo‘naltiriladi
Prezident ushbu viloyatni kompleks rivojlantirish bo‘yicha vazifalar yuzasidan yig‘ilish o‘tkazdi.
Andijonda bo‘sh yotgan barcha yer va binolar auksionga chiqariladi
Prezident tibbiyot va ta’lim tashkilotlariga tegishli bo‘sh binolar faqat profilini o‘zgartirmaslik sharti bilan berilishidan ogohlantirdi.
“Andijon turmasi” shahar chekkasiga ko‘chiriladi
3-son tergov hibsxonasi o‘rnida zamonaviy ko‘ngilochar savdo va servis markazi barpo etilishi belgilandi.
Qamchiqda harakatlanib ketayotgan yuk mashinasi butunlay yonib ketdi (video)
Hodisaga 2 ta yong‘in-qutqaruv ekipaji yetib borgan.
Effect.uz sayti direktori jarimaga tortildi
2025-yilning 14-aprel kuni Jinoyat ishlari bo‘yicha Mirzo Ulug‘bek tuman sudida boshlangan sud qisqa tanaffusdan so‘ng, 16-aprel kuni ishini davom ettirdi.
Prezident Andijonda yillik eksport salohiyati 6 mln dollarga yetgan korxona faoliyati bilan tanishdi
Davlat rahbari sifat ko‘rsatkichlari ustida ishlab, qo‘shilgan qiymatni oshirish va eksport geografiyasini kengaytirish bo‘yicha tavsiyalar berdi.
Buxoroda maktab o‘quvchisi quduqqa tushib ketishi oqibatida vafot etdi
Uni qutqarishga harakat qilgan maktab qorovuli esa og‘ir ahvolda shifoxonaga yotqizilgan.
Toshkentda xonadonlar ijara narxlari sezilarli arzonlashdi — tahlil
Eng arzon ijara narxlari Sergeli va Olmazor tumanlarida taklif etilmoqda.
Shavkat Mirziyoyev Andijondagi “Imkoniyatlar olami” hududiy ijtimoiy xizmatlar markazini borib ko‘rdi
Davlat rahbari imkoniyati cheklangan katta yoshdagi insonlarni o‘ziga mos hunar va mashg‘ulotlarga jalb etish muhimligini taʼkidladi.
Turkiyaga o‘qishga borib, fohishalikka majburlangan o‘zbekistonlik qiz qaytarildi
U qarshilik qilsa, mahalliy jinoiy guruhlarga topshirish bilan qo‘rqitilgan.
Yiliga ikki marta “Yangi O‘zbekiston Olimpiya cho‘qqilari” musobaqalar tizimi yo‘lga qo‘yiladi
Prezident sport sohasi va olimpiya harakatiga oid taqdimot bilan tanishdi.
Toshkentda yo‘l talashgan Spark haydovchisi temir bilan Matiz haydovchisini urdi
Holat yuzasidan jinoyat ishi qo‘zg‘atilgan.
Migratsiya agentligining sobiq rahbari Afzal Ermatov oqlandi
U firibgarlik va jinoiy daromadlarni legallashtirishda ayblangandi.
Izoh (0)