Хоразмда уч қаватли савдо дўконида ёнғин чиқиши, Фарғонада Миллий гвардия формасини кийган шахс фуқарога қўпол муомала қилиши, Telegram тармоғида узилишлар кузатилиши – “Дарё” нашри бугун, 17 апрелда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Россияда 6 нафар ўзбекистонлик бўлган автомобиль ЙТҲга учраб, ёниб кетди
Оқибатда улардан бири ҳалок бўлди, 5 киши жароҳатланди.
Ўзбекистонда қарздорлик ҳисобига банклар балансига олинган мол-мулклар тўғридан тўғри сотилишига рухсат берилади
Банк балансига қабул қилинган бино-иншоотларни эса тайёр бизнес сифатида инвесторларга сотиш мумкин бўлади.
Россиядаги ижара квартирадан тўрт нафар ўзбекистонлик жасади топилди
Дастлабки тахминларга кўра, улар ис газидан заҳарланган.
Туркияда бегона аёлни суратга олган ўзбекистонлик депортация қилинадиган бўлди
Бош консулхона рухсатсиз суратга олиш жиддий чоралар кўрилишига сабаб бўлиши ҳақида огоҳлантирди.
Ўзбекистонда олий таълимга қамров 40,9 фоизга ошди
Ўн йил давомида 18-23 ёшдагиларни олий таълим билан қамраб олиш кўрсаткичи кўтарилди.
“Бугун Фарғона водийси ‘порох бочкаси’ эмас” — Шерзод Асадов
Президент матбуот котиби уч давлат раҳбарларининг саъй-ҳаракатлари ва дўстлиги туфайли бугун Фарғона водийси имкониятлар, яхши қўшничилик ва бунёдкорлик маконига айланганини айтди.
Ўзбекистонда зарарли чигиртка сабаб 500 минг гектардан зиёд майдонда кимёвий ишловлар ўтказилди
743 минг гектарда кузатув назорат ишлари олиб борилган.
Сурхондарёда ноёб тарихий бойликларни хорижга олиб чиқмоқчи бўлган шахс тўхтатилди
Ҳозирда ашёвий далиллар Термиз археология музейига топширилган.
Хоразмда уч қаватли савдо дўконида ёнғин чиқди (видео)
Ҳодиса жойига 5 та ёнғин-қутқарув экипажи ва 2 та ёрдамчи сув ташиш техникаси жалб этилган.
Фарғонада Миллий гвардия формасини кийган шахс фуқарога қўпол муомала қилди (видео)
Ҳолат юзасидан расмий муносабат билдирилди.
Хоразмда 7-синф ўқувчиси тунги клубда раққосалик қилаётганда қўлга тушди (видео)
Рейд давомида лицензиясиз раққосалик билан шуғулланиш бўйича 23 та ҳолат аниқланган.
Telegram тармоғида узилишлар кузатилди
Ушбу узилишлар Ўзбекистон томон билан боғлиқ эмаслиги айтилди.
Тошкентдаги кўчалардан бири 3 кунга ёпилади
Бунга асфалтлаштириш ишлари олиб борилиши сабаб бўлади.
Тошкентда 95 фоиз истеъмолчи оқова сув тизими билан таъминлангани айтилди
Айни кунда Бўзсув оқова сув иншоотларда таъмирлаш ишлари олиб борилмоқда.
Изоҳ (0)