Prezidentning Toshkent viloyatiga tashrifi, Diniy qo‘mita raisining umra litsenziyasi bo‘yicha 1 mln dollarlik shartiga izohi, Qamchiq dovonida yog‘gan qor — “Daryo” nashri bugun, 15-oktyabrda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Qamchiq dovonida qor yog‘moqda
Dovonda havo bulutli bo‘lib, harorat 0 darajaga tushgan.
Buxoroda er xotinini bolta bilan urib, unga tan jarohati yetkazdi
Er uyida turmush o‘rtog‘i bilan janjallashib, metall dastali boltaning tig‘ qismi bilan rafiqasining bosh va orqa bel sohasiga qasddan urib, unga og‘ir shikast yetkazgan.
“Mening bog‘cham” loyihasi bo‘yicha ovoz berish boshlandi
Jamoatchilik yangi quriladigan hamda rekonstruksiya qilinadigan bog‘chalarga ovoz beradi.
Toshkentdagi Bobur ko‘chasida avtomobillar harakati 1 oyga qisman cheklanadi
Yerosti elektr uzatish kabel tarmoqlarini o‘tkazish ishlari amalga oshiriladi.
Yil davomida avtobuslarda yo‘l haqini to‘lamasdan yurgan yo‘lovchilar soni ma’lum qilindi
Avtobusda yo‘l haqini to‘lamasdan yurgan yo‘lovchilar hamda naqd pulda to‘lovni amalga oshirganda chipta taqdim etmagan chiptachilar aniqlanib, ularga nisbatan ma’muriy bayonnomalar rasmiylashtirilmoqda.
Shavkat Mirziyoyev OKMK Muhandislik maktabini borib ko‘rdi
Bu yerda Germaniya tajribasi asosida yiliga 480 nafar muhandis tayyorlanadi hamda ming nafar xodim malakasi oshiriladi.
Shavkat Mirziyoyev Olmaliqda qurilayotgan 3-mis boyitish fabrikasida bo‘ldi
Prezident “Yoshlik-1” konidagi qazish ishlarini ko‘zdan kechirdi, mutaxassislar bilan muloqot qildi.
Transport vazirligi alohida ajratilgan tasmasi bor yo‘llarda kuchaytirilgan reyd tadbirlari o‘tkazilayotganini ma’lum qildi
Qonunchilikka ko‘ra, qoidani buzganlar BHMning ikkidan bir qismi, ya’ni 187 ming 500 so‘m miqdorida jarimaga tortiladi.
Toshkent tumanidagi ikki mahallada 97 gektar maydonda industrial texnopark tashkil qilinadi
Prezident raisligida Toshkent viloyatini rivojlantirish vazifalari yuzasidan yig‘ilish boshlandi.
Qashqadaryoda haydovchi mast odamni urib yuborib, uni paxta dalasiga tashlab ketdi
Gumonlanuvchi protsessual tartibda ushlangan va unga qamoq ehtiyot chorasi qo‘llangan.
Diniy qo‘mita raisi umra litsenziyasining 1 mln dollarlik shartiga izoh berdi
Sodiqjon Toshboyevning aytishicha, bu katta miqdor emas.
Toshkent viloyati hokimining qishloq xo‘jaligi bo‘yicha birinchi o‘rinbosari Botir Alimbekov lavozimidan ozod etildi
Bunga viloyat qishloq xo‘jaligidagi imkoniyatlardan foydalana olmagani, tayyor qilib berilgan tizimni ishlata olmagani sabab bo‘lgan.
“Yaratib berilayotgan sharoitlar hisobiga viloyatda kambag‘al oilalar qolishining o‘zi uyat” — prezident
Faoliyatidagi kamchiliklar va sohadagi ishlar qoniqarsiz olib borilayotgani uchun Toshkent viloyati hokimining birinchi o‘rinbosari Erkin Muhitdinov lavozimidan ozod etildi.
Olmaliq kon-metallurgiya kombinatida 4-mis boyitish fabrikasi qurilishi boshlandi
Ushbu fabrikaning yillik ishlab chiqarish hajmi 1,9 milliard dollarga yetadi.
Izoh (0)