O‘zbekistonlik futbolchi Eldor Shomurodov Italiya chempionati 31-turida “Yuventus” darvozasiga gol urib, “Roma”ni mag‘lubiyatdan qutqarib qoldi. U Rimdagi bahsda zaxiradan maydonga tushib, hisobni tenglashtirdi.
O‘yindan so‘ng hujumchi Dazn nashriga intervyu berib, o‘yin haqida o‘z fikrlari bilan o‘rtoqlashdi:
Zaxiradan tushishimdan oldin Ranyeri mendan Artyomga yordam berishimni so‘radi. Ikkinchi bo‘lim yaxshi boshlandi, afsuski, g‘alabani qo‘lga kirita olmadik. Yana bir gol urishimiz mumkin edi, lekin “Yuventus”ga qarshi bir ochko ham yomon emas. Gol urganimdan xursandman. Agar dubl qayd etganimda, yanada yaxshi bo‘lardi.
Shuningdek, Eldor yaqinlashib kelayotgan Rim derbisi haqida ham fikr bildirdi:
Derbiga jiddiy tayyorgarlik ko‘rishimiz kerak. Shu paytgacha nima qilgan bo‘lsak, xuddi shunday davom ettiramiz. Eng muhimi, muxlislarni xursand qilib, kerakli natijaga erishishni istaymiz.
Maʼlumot uchun, 31-turdan keyin “Yuventus” 56 ochko bilan turnir jadvalining 5-pog‘onasidan joy oldi. “Roma” 53 ball bilan 7-o‘rinni egallab turibdi.
Izoh (0)