A Seriya. “Spetsiya” 5 ta gol urilgan o‘yinda mag‘lubiyatga uchradi, Eldor Shomurodovda assist, “Yuventus” o‘z maydonida zafar quchdi

Futbol bo‘yicha Italiya A Seriyasining 33-turidan o‘rin olgan qator uchrashuvlar 3-may, chorshanba kuni o‘tkazildi.

O‘zbekistonlik hujumchi Eldor Shomurodov to‘p suradigan “Spetsiya” klubi safarda “Atalanta” mehmoni bo‘ldi. Eldor uchrashuvni asosiy tarkibda boshladi. O‘yinning 18-daqiqasida Emmanuel Jasi hisobni ochdi. 32-daqiqada esa Martin de Ron muvozanatni tikladi. Jamoalar tanaffusga 1:1 hisobi bilan chiqib ketdi.

Ikkinchi bo‘limni esa “Atalanta” gol bilan boshladi. 48-daqiqada Davide Zappakosta bergamoliklarni hisobda oldinga olib chiqdi. 54-daqiqada esa Luis Muriel mezbonlarning uchinchi goliga mualliflik qildi. 64-daqiqada Eldor Shomurodov oshirgan to‘pni Mehdi Burabiya darvozaga joylab, hisobni qisqartirdi. Qolgan daqiqalarda darvozalar ishg‘ol etilmadi va yakunda “Atalanta” g‘alaba qozondi. 

“Spetsiya”da ochkolar soni 27 ta va jamoa xavfli hudud bo‘lmish 18-pog‘onadan joy olgan.

“Yuventus” esa “Lechche”ga qarshi bahs olib bordi. Uchrashuvdagi barcha gollar birinchi bo‘limda urildi. Turinliklar safida Leandro Paredes va Dushan Vlahovich gol urgan bo‘lsa, mehmonlar tarkibida Assan Sisey bitta golni o‘z hisobiga yozdirib qo‘ydi. 

Turinliklar ushbu g‘alabadan so‘ng ochkolari sonini 63 tagay yetkazib, 2-o‘ringa ko‘tarilib oldi. 

A Seriya

33-tur bahslari

3-may, chorshanba

“Atalanta” – “Spetsiya” 3:2

Gollar: 0:1 – 18 Jasi, 1:1 – 32 de Ron, 2:1 – 48 Zappakosta, 3:1 – 54 Muriel, 3:2 – 64 Burabiya.

“Atalanta”: Musso, Zappakosta, Toloi, Jimshiti, Skalvini (Palomino, 67; Demiral, 83), Mele (Soppi, 90), de Ron, Pashalich (Ederson, 67), Kopmeyners, Sapata, Muriel (Boga, 67).

“Spetsiya”: Drongovski, Amyan (Ferrer, 66), Nikolau, Visnevski, Resa, Ampadu (Ekdal, 57), Bastoni (Espozito, 57), Burabiya (Verde, 83), Agudelo (Krollis, 83), Jasi, Shomurodov.

Ogohlantirishlar: Ampadu (38), Bastoni (40), Agudelo (75).

“Yuventus” – “Lechche” 2:1

Gollar: 1:0 – 15 Paredes, 1:1 – 37 Sisey (penalti), 2:1 – 40 Vlahovich.

“Yuventus”: Shensni, De Shilyo (Kuadrado, 33), Bonuchchi, Danilo, Bremer (Gatti, 87), Kostich, Di Mariya (Kyeza, 73), Paredes (Lokatelli, 87), Fajoli, Miretti (Pogba, 73), Vlahovich.

“Lechche”: Falkone, Baskirotto, Romanyoli, Umtiti, Pessella (Chekkaroni, 71), Male (Blen, 60), Yulmand (Volkerling, 89), Gonsales (Di Franchesko, 60), Banda, Uden, Sisey (Kolombo, 89).

Ogohlantirishlar: Umtiti (48), Paredes (55), Pessella (61), Bremer (76).