“Roma” Paulo Dibala bilan shartnoma imzolamoqchi.
Jurnalist Sezar Luis Merloning yozishicha, rimliklar Dibala uchun kurashga qo‘shilgan va futbolchiga 4 yillik shartnoma va yiliga 6 million yevro maosh va’da qilmoqda.
28 yoshli futbolchi uchun bu yagona rasmiy taklif bo‘lib turibdi. “Roma” sobiq futbolchisi Franchesko Totti o‘zining 10-raqamini unga berishga tayyorligini ma’lum qilgandi.
Avvalroq Pauloga “Inter” ham qiziqish bildirayotgandi. Ammo “nerazzurilar” bilan muzokaralar deyarli bir oydan buyon o‘tkazilmayapti.
Ma’lumot uchun, 2015-yildan buyon “Yuventus” sharafini himoya qilib kelgan Paulo 2021/22-yilgi mavsumda 15 ta gol va 6 ta golli uzatmaga mualliflik qildi. Mavsum so‘ngida turinliklar bilan shartnomasi yakuniga yetgan Dibala erkin agentga aylandi.
Izoh (0)