A Seriya. “Yuventus” “Kalyari”ga qarshi bahsda so‘nggi daqiqalarda urilgan gol evaziga mag‘lubiyatdan qutulib qoldi

Futbol bo‘yicha Italiya A Seriyasining 33-turida “Kalyari” 19-aprel, juma kuni “Yuventus”ga qarshi bahs olib bordi.

Uchrashuvda Eldor Shomurodov asosiy tarkibda maydonga tushdi. “Kalyari” o‘yinni faol boshladi va 30-daqiqaga kelib, hisobni ochdi. Gaetano penaltini aniq amalga oshirdi. 36-daqiqada Mina ham penaltidan unumli foydalandi. Birinchi bo‘lim “Kalyari”ning ustunli bilan yakun topdi.

Ikkinchi bo‘lim boshida esa “Yuventus” o‘ziga kelib oldi. 61-daqiqada Dushan Vlahovich hisobni qisqartirishga muvaffaq bo‘ldi. 87-daqiqada esa Dossena avtogol muallifiga aylanib, uchrashuv durang bilan yakunlanishiga sababchi bo‘ldi.

Qayd etib o‘tish joiz, Shomudorov 79-daqiqada o‘z o‘rnini Violaga bo‘shatib berdi. 

“Kalyari” ushbu durangdan so‘ng ochkolarini 32 taga yetkazdi va 13-o‘rindan joy oldi. Turinliklar esa 64 ochko bilan 3-pog‘onani band etgan.

A Seriya

33-tur bahsi

19-aprel, juma

“Kalyari” — “Yuventus” 2:2

Gollar: 1:0 – 30 Gaetano (penalti), 2:0 – 36 Mina (penalti), 2:1 – 61 Vlahovich, 2:2 – 87 Dossena (avtogol).

“Kalyari”: Skuffet, Mina, Xasidyakos (Veteska, 87), Dossena, Aujello, Nandes (Zappa, 79), Makumbu, Sulemana (Prati, 46), Gaetano (Deyola, 69), Luvumbu, Shomurodov (Viola, 79).

“Yuventus”: Shensni, Danilo, Bremer, Gatti, Kambyazo (Ayling, 86), Vea (Makkenni, 68), Rabyo, Lokatelli (Milik, 74), Al'karas (Yildiz, 46), K'eza, Vlaxovich.

Ogohlantirishlar: Shensni (35), Luvumbu (45+2), Vea (45+2), Bremer (48), Nandes (60).