“Barselona” Italiyaning “Roma” klubi bilan avgust oyida o‘yin o‘tkazadi.
Katalon klubi rimliklar klubini o‘rtoqlik musobaqasiga taklif qilmoqchi, deya xabar qilmoqda Diario Sport.
An’anaviy Joan Gamper Kubogi 2022-yilning 6 yoki 7-avgust kunida o‘tkazilishi rejalashtirilgan.
Shuningdek, “Barselona” mavsumlar oralig‘ida Avstraliya va AQShda o‘rtoqlik o‘yinlari o‘tkazishga kelishib olgan.
Gamper Kubogi har yili o‘tkaziladi, joriy yilgi musobaqa sanoq bo‘yicha 57-si bo‘ladi. 2021-yilda “Barselona” ushbu o‘yin doirasida “Yuventus”ni yengib (3:0), g‘alabaga erishgandi.
“Roma” safida o‘zbekistonlik hujumchi Eldor Shomurodov harakat qiladi. 26 yoshli futbolchi 2021/22-yilgi mavsum A Seriyada 21 ta o‘yin o‘tkazib, ikkita gol va uchta golli uzatma muallifiga aylandi.
Izoh (0)