Futbol bo‘yicha Jahon chempionati saralashining 3-bosqichi 7-turidan o‘rin olgan O‘zbekiston – Qirg‘iziston uchrashuvidan so‘ng matbuot anjumani tashkil etildi.
Unda O‘zbekiston MTJ bosh murabbiyi Temur Kapadze o‘z fikrlarini bildirib o‘tdi.
Avvalo barcha hamyurtlarimizni Navro‘z bayrami bilan tabriklayman. Bugun g‘alaba qozondik. Balki ko‘proq gol urib, yana-da chiroyliroq g‘alaba qozonsak bo‘lardi. Biroq muhimi g‘alaba edi. Balki ertaroq gol urib olganimizda hisob boshqacha bo‘lardi. Raqiblar ham yaxshi himoyalandi. Endi biz keyingi o‘yinga tayyorlanamiz, deydi Kapadze.
Murabbiy o‘yin oldidan Katanesdan ham yordam so‘ragan va Shomurodov past baho olgani haqida so‘ralgan savolga shunday javob berdi:
Barchasi joyida. Yordamchilarim mening yordamchilarim, Katanesniki emas. O‘yinga yaxshi tayyorgarlik ko‘rdik. O‘yinda biz kutgandek o‘zgarishlar bo‘ldi. Qizil kartochkadan keyin esa ko‘p narsalar o‘zgarib ketdi. Raqiblar ham ochko uchun kurashishlarini bilardik. Biroq biz o‘z uyimizda o‘ynayotganimiz uchun ularga imkoniyat qoldirmay g‘alaba qozonishimiz kerak edi. Balki raqiblar 11 kishi bo‘lib qolganida bizga osonroq bo‘lardi. Birinchi va ikkinchi bo‘limda ham ko‘plab vaziyatlarga ega bo‘ldik. Balki gollarni keyingi o‘yinlarga olib qo‘ygandirmiz, muhimi natijaga erishdik.
Kapadze penaltilardan foydalanilmayotganligi haqidagi savolga ham javob berib o‘tdi. Murabbiy oxiri o‘zi chiqib penalti tepishini aytib, hazil qildi.
Barcha futbolchilar mashg‘ulotlardan keyin qo‘shimcha ishlashyapti. Eldor boshqa burchakka ham tepishi mumkin edi. Yaxshi tepdi ham, darvozabon olib chiqdi. Buni kamroq muhokama qilish kerak deb o‘ylayman, degan Kapadze.
Izoh (0)