“Barselona” hujumchisi Robert Levandovski Krishtianu Ronaldu va Lionel Messi bilan raqobat haqida fikr bildirdi. U o‘zining faoliyatini muvaffaqiyatli davom ettirish uchun ushbu futbolchilarga qarab, rekordlar o‘rnatish va gol urishga intilganini ta’kidladi.
“Men ularga qarardim va gollar urib, rekordlarni yangilashga harakat qilardim. Ularning rekordlarini buzishni nazarda tutmayapman, chunki ular boshqa dunyodan. Men ulardan keyingi o‘rinda turishni yoki ba’zi jihatlarda bo‘lsa-da, ulardan o‘tib ketishni xohlardim. Ismim mukofotlarga nomzodlar qatorida ular bilan birga tilga olinishini orzu qilardim”, deydi Levandovski Rio Ferdinandning YouTube kanalidagi videoda.
Ma’lumot uchun, joriy mavsumda hujumchi barcha musobaqalarda 17 o‘yinda maydonga tushib, 19 gol va 2 assist qayd etdi.
Goal nashri e’lon qilgan “Barselona”ning 25 eng yaxshi futbolchilari qatorida polshalik hujumchi ham e’tirof etildi.
Avvalroq futbolchi Ispaniya klubi bilan 2027-yilgacha shartnomani uzaytirmoqchi ekani xabar berilgan edi.
Izoh (0)