Futbol bo‘yicha Elit Osiyo Chempionlar Ligasi doirasidagi “An-Nassr” va “Istiqlol” o‘rtasidagi bahs 10-mart, dushanba kuni bo‘lib o‘tdi. Unda riyodliklar 3:0 hisobida g‘alaba qozondi. “An-Nassr”ning 2-golini Krishtianu Ronaldu penalti orqali kiritdi.
Shu tariqa portugaliyalik futbolchi 30 yoshdan keyin kiritgan gollari sonini 464 taga yetkazdi. Umuman olganda, hujumchi butun faoliyati davomida 927 ta gol kiritgan bo‘lsa, shulardan 463 tasini 30 yoshgacha, 30 yoshdan keyin esa 464 marta raqib darvozasini ishg‘ol qilgan.
Krishtianuning “Istiqlol” darvozasiga tepgan 11 metrlik jarima to‘pi faoliyatidagi 204-penalti sifatida qayd etildi. Futbolchi ushbu jarima zarbalarini 173 martasini aniq amalga oshirgan bo‘lsa, 21 marta nuqtadan adashgan.
40 yoshni qarshilagan futbolchi faoliyatini tugatish niyatida emas. Aksincha, u yangi marralarni ko‘zlamoqda. Yaqinda Ronaldu 1000 ta gol urmoqchi ekanini ma’lum qilgan edi. Hozircha bu natijaga erishish uchun 73 ta gol qolgan.
Izoh (0)