UEFA Millatlar Ligasi 2024/25-yilgi mavsum chorak final doirasida Daniya — Portugaliya bahsida mezbonlar 1:0 hisobida g‘alaba qozondi. Uchrashuvdagi yagona gol Rasmus Hoylund tomonidan kiritildi.
U darvozani ishg‘ol qilgach, golni raqib futbolchisi Krishtianu Ronaldu kabi nishonladi. Portugaliyalik hujumchi ushbu holatga o‘z munosabatini bildirdi.
Buni muammoli joyi yo‘q. U menga nisbatan hurmatsizlik qilmadi. Men buni tushunadigan darajadagi aqlli insonman. Nafaqat Rasmus, balki dunyodagi ko‘plab sportchilar g‘alabali onlarini xuddi men kabi nishonlaydi. Bu men uchun sharaf, umid qilamanki, u javob bahsida gol nishonlashning haqiqiysini ko‘radi, deya Ronalduning so‘zlarini keltiradi Fabritsio Romano.
Ma’lumot uchun, ushbu jamoalar o‘rtasidagi javob bahsi 23-mart, yakshanba kuni bo‘lib o‘tadi. Uchrashuv Toshkent vaqti bilan tungi 00:45 da boshlanadi.
Izoh (0)