Portugaliya terma jamoasi va “An-Nassr” klubining 39 yoshli hujumchisi Krishtianu Ronaldu mashhur bloger Mr Beastning Lebron Jeyms va uning o‘g‘li Bronni Jeymsdek Krishtianu o‘z o‘g‘li bilan bir jamoada professional darajada o‘ynashni rejalashtiryaptimi, degan savoliga javob berdi.
“U hozir 14 yoshda, ko‘ramiz, oyoqlarim qanday ahvolda bo‘larkan”, dedi Ronaldu o‘zining YouTube kanalidagi videosida.
Ma’lumot uchun, Lebron Jeyms va uning o‘g‘li Bronni birinchi marta 2024-yil 7-oktyabrda birgalikda maydonga tushdi. Bu esa basketbol tarixida kuzatilmagan hodisa sifatida tarixga kirdi.
Avvalroq Ronaldu uning navbatdagi mehmoni “internetni portlatishi”ni ma’lum qilgandi. Ijtimoiy tarmoq foydalanuvchilari argentinalik Messi futbolchining mehmoni bo‘lishi mumkinligini taxmin qildi, biroq bu YouTube’dagi eng ko‘p obunachiga ega Mr Beast bo‘lib chiqdi.
Izoh (0)