Toshkent viloyatida mahalliy byudjetdan bir qator tadbirlar uchun mablag‘lar ajratilmoqda.
Keltirilishicha, viloyat hokimining o‘rinbosarlari hamda mutasaddi tashkilot rahbarlari tomonidan mahalliy byudjetning qo‘shimcha manbalaridan foydalanish yuzasidan bildirilgan takliflari Xalq deputatlari viloyat Kengashi tomonidan ma’qullandi. Viloyatda amalga oshirilayotgan tadbirlar uchun mablag‘lar ajratildi. Unga ko‘ra:
- Zangiota tumani “O‘rikzor” mahallasining 3,6 km yo‘llarini to‘liq ta’mirlash uchun;
- Nurafshon shahar, “Taraqqiyot” MFY, 19 va 20-uylari hamda Toshkent tumani, “Ibrat” MFY, Chimkent yo‘li ko‘chasida joylashgan uyning fasad, kirish qismlarini ta’mirlash uchun;
- Harbiy xizmatda halok bo‘lgan 65 nafar harbiy xizmatchilar va xodimlarning oila a’zolariga 2025-yil davomida har oyda to‘lanadigan nafaqa pullari (moddiy yordam) uchun;
- Nurafshon shahri “Yoshlik” mahallasidagi 250 qatnovli oilaviy poliklinikasining qurilish ishlarini yakunlash uchun;
- Nurafshon shahridagi 3 ta obyektning yo‘l ta’mirlash ishlarini amalga oshirish uchun;
- “Nurafshon Business City” hududida “Tibbiy chaqiruv punkti” (Call Center) qurilish ishlarini davom ettirish uchun;
- Viloyatda “O‘tkir osti sklerozlovchi panensefalit” tashxisi bilan kasallangan 11 nafar bemorni 3 oylik
davolash xarajatlari uchun; - Toshkent viloyati Somatika shifoxonasi binosining 1-qavatini ta’mirlash ishlarini yakunlab foydalanishga topshirish xarajatlari uchun.
Jami tadbirlar uchun 31 milliard so‘mdan ziyod mablag‘lar yo‘naltirilmoqda.
Toshkent viloyatida 29 ta kichik va mikro gidroelektr stansiyalar quriladi. Mazkur loyiha amalga oshirilishi uchun shahar va tumanlar hududidagi qishloq xo‘jaligiga mo‘ljallanmagan davlat zaxirasidagi 6,7130 gektar yer maydoni Energetika vazirligiga doimiy foydalanish huquqi bilan ajratildi.
Izoh (0)