Тошкент вилоятида маҳаллий бюджетдан бир қатор тадбирлар учун маблағлар ажратилмоқда.
Келтирилишича, вилоят ҳокимининг ўринбосарлари ҳамда мутасадди ташкилот раҳбарлари томонидан маҳаллий бюджетнинг қўшимча манбаларидан фойдаланиш юзасидан билдирилган таклифлари Халқ депутатлари вилоят Кенгаши томонидан маъқулланди. Вилоятда амалга оширилаётган тадбирлар учун маблағлар ажратилди. Унга кўра:
- Зангиота тумани “Ўрикзор” маҳалласининг 3,6 км йўлларини тўлиқ таъмирлаш учун;
- Нурафшон шаҳар, “Тараққиёт” МФЙ, 19 ва 20-уйлари ҳамда Тошкент тумани, “Ибрат” МФЙ, Чимкент йўли кўчасида жойлашган уйнинг фасад, кириш қисмларини таъмирлаш учун;
- Ҳарбий хизматда ҳалок бўлган 65 нафар ҳарбий хизматчилар ва ходимларнинг оила аъзоларига 2025 йил давомида ҳар ойда тўланадиган нафақа пуллари (моддий ёрдам) учун;
- Нурафшон шаҳри “Ёшлик” маҳалласидаги 250 қатновли оилавий поликлиникасининг қурилиш ишларини якунлаш учун;
- Нурафшон шаҳридаги 3 та объектнинг йўл таъмирлаш ишларини амалга ошириш учун;
- “Нурафшон Business City” ҳудудида “Тиббий чақирув пункти” (Call Center) қурилиш ишларини давом эттириш учун;
- Вилоятда “Ўткир ости склерозловчи паненсефалит” ташхиси билан касалланган 11 нафар беморни 3 ойлик
даволаш харажатлари учун; - Тошкент вилояти Соматика шифохонаси биносининг 1-қаватини таъмирлаш ишларини якунлаб фойдаланишга топшириш харажатлари учун.
Жами тадбирлар учун 31 миллиард сўмдан зиёд маблағлар йўналтирилмоқда.
Тошкент вилоятида 29 та кичик ва микро гидроэлектр станциялар қурилади. Мазкур лойиҳа амалга оширилиши учун шаҳар ва туманлар ҳудудидаги қишлоқ хўжалигига мўлжалланмаган давлат захирасидаги 6,7130 гектар ер майдони Энергетика вазирлигига доимий фойдаланиш ҳуқуқи билан ажратилди.
Изоҳ (0)